കുവൈറ്റ് : എ.ആര്റഹ്മാന് സംഗീതത്തിന്റെ മാന്ത്രികതയ്ക്കൊപ്പം വീണയില് സംഗീതം തീര്ത്ത് കുവൈറ്റ് പ്രവാസി ലോകത്തു നിന്നും ഒരു മ്യൂസിക്കല് ആല്ബം പുറത്തിറങ്ങി. കുവൈറ്റ് സ്മാര്ട്ട് ഇന്ഡ്യന് സ്കൂള് ഒന്പതാംക്ലാസ് വിദ്യാര്ത്ഥിയായ അഹല്യ മീനാക്ഷിയുടെ ഇന്സ്ട്രമെന്റല് ആല്ബം ' എന്നവളേ ' സോഷ്യല് മീഡിയാ വഴി ഇതിനോടകം ശ്രദ്ധിക്കപ്പെട്ടു കഴിഞ്ഞു.
സുപ്രസിദ്ധ വീണാലാപന വിദഗ്ദന് ഗുരു അനന്ത പത്മനാഭന്റെയും, ചിറക്കല് കോവിലകം സുമ സുരേഷ് വര്മയുടേയും കീഴില് എട്ട് വയസു മുതല് സംഗീതം അഭ്യസിക്കുന്ന അഹല്യ ഇതിനോടകം നാട്ടിലും കുവൈറ്റിലുമായി നിരവധി പരിപാടികളിലൂടെ പ്രശസ്തയാണ്.
പ്രശസ്ത മ്യൂസിക്കല് ആല്ബം സംവിധായകന് സിജോ അബ്രാഹം ചിത്രീകരണവും എഡിറ്റിംഗും നിര്വ്വഹിച്ച ആല്ബത്തില് പ്രശസ്ത നര്ത്തകിയും നൃത്ത അധ്യാപികയും അഞ്ജലി സ്കൂള് ഓഫ് ഡാന്സ് ഡയറക്ടറുമായ സിന്ദു മധുരാജ് ചുവടുകള് വച്ചു.
ബഹറിന് എക്സ്ചേഞ്ച് കമ്പനി ഉദ്യോഗസ്ഥനായ രവി നായര് -രേഖ ദമ്പതികളുടെ മകളാണ് അഹല്യ .