ഡാലസ് : നോര്‍ത്ത് ടെക്‌സസിലെ ഡാലസ് ഉള്‍പ്പെടെയുള്ള നഗരങ്ങളില്‍ അടുത്ത മൂന്നു ദിവസം താപനില 110º ഫാരന്‍ഹിറ്റ് വരെ ഉയരുമെന്നു നാഷണല്‍ വെതര്‍ സര്‍വ്വീസ് മുന്നറിയിപ്പ് നല്‍കി. ജൂലൈ 18 ബുധന്‍ ഡാലസ് വിമാനത്താവളത്തില്‍ 110º ഡിഗ്രിയായിരുന്നു താപനില. വ്യാഴാഴ്ച 107º , വെള്ളി 108º , ശനി 110º വരെ ഉയരുമെന്നതിനാല്‍ ഡാലസ് ഫോര്‍ട്ട് വര്‍ത്ത് 46 കൗണ്ടികളിലുള്ളവര്‍ മുന്‍ കരുതല്‍ സ്വീകരിക്കണമെന്ന് അധികൃതര്‍ അഭ്യര്‍ഥിച്ചിട്ടുണ്ട്.
/ "publive-image")
അലര്‍ജിയും ശ്വാസകോശ രോഗവുമുള്ളവരെ ഇതു കാര്യമായി ബാധിക്കുമെന്നു മെത്തഡിസ്റ്റ് ചാര്‍ട്ടന്‍ മെഡിക്കല്‍ സെന്ററിലെ പള്‍മനോളജിസ്റ്റ് ഡോ. സ്റ്റീഫന്‍ മുള്ളര്‍ പറഞ്ഞു. ഇന്‍ഹെയ്!ലര്‍ കൈവശം വച്ചു ശീതികരണ മുറികളില്‍ കഴിയുന്നതാണു നല്ലതെന്നും ഡോക്ടര്‍ അഭിപ്രായപ്പെട്ടു.
വാഹനമുപയോഗിക്കാന്‍ ടയര്‍ പ്രഷറും ബാറ്ററിയും പരിശോധിച്ചു പ്രവര്‍ത്തന ക്ഷമത ഉറപ്പുവരുത്തണമെന്നും യാത്ര ചെയ്യുന്നവര്‍ വെള്ളക്കുപ്പികള്‍ കൈവശം വയ്ക്കണമെന്നും മുന്നറിയിപ്പ് നല്‍കിയിട്ടുണ്ട്. സൂര്യാസ്തമനത്തിനു ശേഷം മാത്രം പുറത്തിറങ്ങി നടക്കുന്നതാണ് നല്ലതെന്നും തുടര്‍ന്ന് പറയുന്നു,
അതേ സമയം, വൈദ്യുതി ഉപയോഗം ടെക്‌സസില്‍ റിക്കാര്‍ഡ് കടന്നു. വൈകിട്ട് 4 മുതല്‍ 5 വരെ ശരാശരി 72,192 മെഗാവാട്ടാണ് ഉപയോഗിക്കുന്നതെന്ന് ടെക്‌സസ് ഇലക്ട്രിക് റിലയബിലിറ്റി കൗണ്‍സില്‍ അറിയിപ്പില്‍ പറയുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
