തണ്ണിമത്തന്‍ മുറിച്ച വീട്ടുകാര്‍അമ്പരന്നു ; തണ്ണിമത്തനില്‍ നിന്ന് പതയും നുരയും

കായംകുളം: തണ്ണിമത്തന്‍ മുറിച്ചപ്പോള്‍ വീട്ടുകാര്‍ ഒന്ന് ഞെട്ടി. തണ്ണിമത്തനിൽ നിന്നും അസഹ്യമായ ദുർഗന്ധത്തോട് കൂടിയ പത പുറത്തേക്ക് ഒഴുകിയതാണ് കാരണം. ഇലിപ്പക്കുളം ബാസിത് മൻസിലിൽ സിദ്ദീഖ് പൊലീസ് സ്റ്റേഷന് സമീപത്തെ പഴക്കടയിൽ നിന്നും വാങ്ങിയ തണ്ണിമത്തനിൽ നിന്നാണ് അസ്വാഭാവികമായി പതയും നുരയും വന്നത്.  ചൊവ്വാഴ്ച ഉച്ചയോടെ മുറിക്കാനായി എടുത്തപ്പോഴാണ് വെളുത്ത പത ഒഴുകിയത്. പിന്നീടാണ് അസഹ്യമായ ദുർഗന്ധം അനുഭവപ്പെട്ടത്.