മാന്നാർ മത്തായിയും യശ്വന്ത് സഹായിയും ഉണ്ണിത്താനുമടക്കം 30 അനശ്വര കഥാപാത്രങ്ങള്‍ ! ഇന്നസെന്‍റിന്റെ അന്ത്യവിശ്രമം 30 അനശ്വര കഥാപാത്രങ്ങള്‍ ആലേഖനം ചെയ്ത കല്ലറയില്‍

ഇരിങ്ങാലക്കുട: നടനും മുൻ എംപിയുമായ ഇന്നസെൻറിന്റേ കല്ലറയിൽ 30 അനശ്വര കഥാപാത്രങ്ങൾ ആലേഖനം ചെയ്ത് കുടുംബം. 26 ന് രാത്രി 10.30 നായിരുന്നു അദ്ദേഹത്തിൻറെ വിയോഗം. തുടർന്ന് ഇരിങ്ങാലക്കുട സെന്റ് തോമസ് കത്തീഡ്രൽ ദേവാലയത്തിലെ സെമിത്തേരിയില്‍ സംസ്കാരം നടത്തി.

ഇപ്പോഴിതാ സിനിമാപ്രേമികളുടെ മനസ്സിൽ അദ്ദേഹത്തെ അനശ്വരനാക്കിയ മുപ്പതോളം കഥാപാത്രങ്ങളാണ് ആലേഖനം ചെയ്തത് . മാന്നാർ മത്തായിയും യശ്വന്ത് സഹായിയും (സന്ദേശം) ഉണ്ണിത്താനുമടക്കം (മണിച്ചിത്രത്താഴ്) ഇക്കൂട്ടത്തിലുണ്ട്. അദ്ദേഹത്തിന്റെ കൊച്ചുമക്കളായ ജൂനിയർ ഇന്നസെന്റിന്റെയും അന്നയുടേയുമാണ് ഈ ആശയം.

രാധാകൃഷ്ണൻ എന്നയാളാണ് ഇത് യാഥാർഥ്യമാക്കിയത്. കഴിഞ്ഞ രണ്ട് ദിവസവും രാത്രിയും പണിയെടുത്താണ് ആലേഖനം പൂർത്തിയാക്കിയത്. സിനിമാ റീലിന്റെ മാതൃകയിലാണ് പേരും മറ്റ് വിവരങ്ങളും കല്ലറയിൽ എഴുതിയിരിക്കുന്നത്.