ഇന്ന്, ഇന്ത്യ ഉൾപ്പെടെ ലോകമെമ്പാടും പ്രമേഹം ഒരു ഗുരുതരമായ രോഗമായി തുടരുന്നു. പ്രമേഹത്തിന്റെ എല്ലാ കേസുകളിലും, പാൻക്രിയാസ് ആവശ്യത്തിന് ഇൻസുലിൻ ഉത്പാദിപ്പിക്കാത്തതിനാൽ രക്തത്തിൽ പഞ്ചസാര അടിഞ്ഞു കൂടുന്നു. പ്രമേഹത്തിന് പ്രധാനമായും രണ്ട് തരമാണുള്ളത്. ടൈപ്പ് 1, ടൈപ്പ് 2. പ്രമേഹത്തിന്റെ സാധാരണ ലക്ഷണങ്ങൾ കണ്ണുകളിലും കാണപ്പെടുമെന്ന് അടുത്തിടെ ചില വിദഗ്ധർ പറഞ്ഞിരുന്നു. ദി മിറർ പറയുന്നതനുസരിച്ച്, നിങ്ങളുടെ കാഴ്ചയ്ക്ക് മങ്ങൽ വരുന്നുണ്ടെങ്കിൽ, ശരിയായി രീതിയിൽ കാണാൻ സാധിക്കുന്നില്ലെങ്കിൽ അത് പ്രമേഹത്തിന്റെ ലക്ഷണമാകാം.
കാഴ്ച മങ്ങുന്നു
രക്തത്തിൽ നിന്നും കോശങ്ങളിലേക്കും ഗ്ലൂക്കോസിനെ ചലിപ്പിക്കുന്നതിന് കാരണമാകുന്ന ഹോർമോണാണ് ഇൻസുലിൻ. പ്രമേഹമുള്ളവർക്ക് ആവശ്യത്തിന് ഇൻസുലിൻ ഉത്പാദിപ്പിക്കാൻ കഴിയില്ല. പ്രമേഹം മൂലമുള്ള ഉയർന്ന രക്തത്തിലെ പഞ്ചസാരയുടെ അളവ് വ്യക്തമായി കാണാനുള്ള നിങ്ങളുടെ കഴിവിനെ ബാധിക്കുന്നു. ഇത് നിങ്ങളുടെ കണ്ണിനുള്ളിലെ ലെൻസിൽ വീക്കമുണ്ടാകുകയും ഇത് മങ്ങലിന് കാരണമാകുകയും ചെയ്യുന്നു.
രക്തത്തിലെ പഞ്ചസാരയുടെ അളവ് കുറഞ്ഞാലും ഇതിന് കാരണമാകും. എന്നാൽ പഞ്ചസാരയുടെ അളവ് സ്ഥിരത കൈവരിക്കുകയോ സാധാരണ നിലയിലേക്ക് മടങ്ങുകയോ ചെയ്താലുടൻ കാഴ്ച സാധാരണ നിലയിലാകും. സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) പറയുന്നതനുസരിച്ച്, അത്തരത്തിലുള്ള ഒരു പ്രശ്നമാണ് ഡയബറ്റിക് റെറ്റിനോപ്പതി. ജോലി ചെയ്യുന്ന ചെറുപ്പക്കാരിൽ അന്ധതയ്ക്ക് പ്രധാന കാരണമായി ഇത് മാറിയേക്കാം.
കാഴ്ച മങ്ങുകയാണെങ്കിൽ എന്തുചെയ്യണം?
കാഴ്ചയിൽ മങ്ങൽ അനുഭവപ്പെട്ടാൽ കഴിയുന്നത്ര വേഗം ഒരു ഡോക്ടറെ സമീപിക്കുക. പക്ഷേ വിഷമിക്കേണ്ട കാര്യമില്ല. എല്ലാത്തരം കാഴ്ച മങ്ങലിനെയും ഇത്തരത്തിൽ കാണേണ്ട കാര്യമില്ല. തിമിരം, മൈഗ്രേൻ, വാർദ്ധക്യസഹജമായ നേത്രരോഗങ്ങൾ എന്നിവയ്ക്കും കാഴ്ചക്കുറവ് കാരണമാകാം.