അതിര്‍ത്തിയില്‍ നുഴഞ്ഞു കയറ്റശ്രമം സൈന്യം പരാജയപ്പെടുത്തി

ശ്രീനഗര്‍: ജമ്മു കാഷ്മീരില്‍ സൈന്യം നുഴഞ്ഞു കയറ്റശ്രമം പരാജയപ്പെടുത്തി. കാഷ്മീരിലെ കുപ്വാരയിലൂടെ നുഴഞ്ഞു കയറാനുള്ള ഭീകരരുടെ ശ്രമമാണ് സൈന്യം പരാജയപ്പെടുത്തിയത്. സൈന്യവും ഭീകരരും തമ്മിലുള്ള ഏറ്റുമുട്ടല്‍ മണിക്കൂറുകള്‍ നീണ്ടുനിന്നതായും പ്രതിരോധ മന്ത്രാലയം അറിയിച്ചു.

കഴിഞ്ഞ മാസം കുപ്വാരയില്‍ നുഴഞ്ഞു കയറ്റശ്രമത്തിനിടെ ആറ് ഭീകരരെ സൈന്യം വധിച്ചിരന്നു. കുപ്‌വാര ജില്ലയിലെ കാരന്‍ സെക്ടറിലൂടെയുള്ള നുഴഞ്ഞു കയറ്റശ്രമമാണ് സൈന്യം പരാജയപ്പെടുത്തിയത്.