പ്രശസ്ത തെന്നിന്ത്യൻ നടി എമി ജാക്സൺ വിവാഹിതയാകുന്നു. ബിസിനസ്സുകാരനായ ബ്രിട്ടീഷ് വംശജന്‍ ജോര്‍ജ് പനായോട്ടുമായാണ് എമിയുടെ വിവാഹം. ഇവര്‍ ഇരുവരും ദീര്‍ഘനാളായി പ്രണയത്തിലായിരുന്നു.
/ "publive-image")
വാലന്റൈന്‍സ് ഡേയുടെ അന്ന് ആശംസകളോടൊപ്പം ജോര്‍ജിന്റെ ചിത്രവും എയ്മി സാമൂഹിക മാധ്യമങ്ങളില്‍ പങ്കുവച്ചതോടെയാണ് ഇരുവരും പ്രണയത്തിലാണെന്ന അഭ്യൂഹങ്ങള്‍ ശക്തമായത്.
ഈ വര്‍ഷം പകുതിയോടെയോ അവസാനത്തോടെയോ വിവാഹിതയാകാനാണ് തീരുമാനിച്ചിരിക്കുന്നതെന്നു എമിയോട് അടുത്ത വൃത്തങ്ങള്‍ പറയുന്നു. പുതിയ ചിത്രമായ 2.0യുടെ റിലീസിനു ശേഷമാകും വിവാഹം.
മദ്രാസ്പട്ടണം എന്ന എ.എല്‍ വിജയ് ചിത്രത്തിലൂടെയെത്തി തെന്നിന്ത്യയില്‍ സിനിമകളില്‍ സുപരിചിതയാണ് എമി. ഐ,തങ്കമകന്‍,തെരി തുടങ്ങി തമിഴ്, തെലുങ്ക്, ഹിന്ദി ഭാഷകളില്‍ ശ്രദ്ധേയമായ ചിത്രങ്ങള്‍ ചെയ്തു.
ശങ്കര്‍- രജനികാന്ത് കൂട്ടുകെട്ടില്‍ ഒരുങ്ങുന്ന 2.0, സുദീപ് ശിവരാജ് കുമാര്‍ എന്നിവരോടൊപ്പം ദി വില്ലന്‍ എന്നിവയാണ് എമിയുടെ പുതിയ ചിത്രങ്ങള്‍.
Follow Us/sathyam/media/agency_attachments/5VspLzgrB7PML1PH6Ix6.png)
