കാലിഫോര്ണിയ: റോഡില് കൂടി പോയ കാര് ഇടിച്ചു കയറിയത് അടുത്തുള്ള കെട്ടിടത്തിന്റെ രണ്ടാം നിലയില്. ആരെയും ഞെട്ടിക്കുന്ന വാഹനാപകട൦ ഉണ്ടായത് കാലിഫോര്ണിയയിലാണ് .
കഴിഞ്ഞ ദിവസം റോഡിലൂടെ പോകുകയായിരുന്നു കാര് കെട്ടിടത്തിന്റെ രണ്ടാം നിലയിലേക്ക് ഇടിച്ചുകയറിയിരിക്കുന്നു. ഒടുവില് പോലീസിന്റെ വിശദീകണം വന്നപ്പോഴാണ് രണ്ടാം നിലയില് വാഹനം എത്തിയതിന്റെ കാരണം കാഴ്ചകാര്ക്ക് മനസിലായത്.
അമിത വേഗത്തില് ഓടിയിരുന്ന കാര് നീയന്ത്രണം നഷ്ടപ്പെട്ട് റോഡിന്റെ മധ്യത്തില് സ്ഥാപിച്ചിരുന്ന ഡിവൈഡറില് ഇടിക്കുകയായിരുന്നു. ഇടിയുടെ ആഘാതത്തില് കാര് ഉയര്ന്ന് രണ്ടാം നിലയില് ഇടിച്ചുകയറുകയായിരുന്നത്രെ .
അപകടമുണ്ടായ സമയത്ത് കാര് തെറ്റായദിശയിലുമായിരുന്നു. ഇടിയുടെ ആഘാതത്തില് കാര് നിലം തൊടാതെ പറന്നുകയറുകയായിരുന്നു. അപകടത്തെത്തുടര്ന്ന് കെട്ടിടത്തില് തീപിടിത്തവുമുണ്ടായി. യാത്രക്കാര് രണ്ടുപേരും നിസ്സാരമായ പരിക്കുകളോടെ രക്ഷപ്പെട്ടതും അത്ഭുതമായി.