പെരുമ്പാവൂർ: നഗരത്തിലെ ശ്രീധർമ്മശാസ്താക്ഷേത്രത്തിൽ വിഷുവിളക്ക് ഉത്സവം ശനിയാഴ്ച രാത്രി കൊടിയേറി. അവധിദിനമായതിനാൽ ഞായറാഴ്ച ഭക്തജനത്തിരക്കേറെയുണ്ടായിരുന്നു.
കൊടുംചൂടിൽ ദാഹിച്ചു വലഞ്ഞ ഭക്തന്മാർക്ക് സേവാഭാരതി പെരുമ്പാവൂർ യൂണിറ്റിന്റെ സൗജന്യ സംഭാരം വിതരണ കേന്ദ്രം വലിയൊരശ്വാസമായി.
ക്ഷേത്രത്തിനു പുറത്ത് പ്രത്യേകം സ്റ്റാൾ ഇതിനായി ഒരുക്കിയിട്ടുണ്ട്. വിതരണോദ്ഘാടനം ക്ഷേത്രോപദേശക സമിതി പ്രസിഡന്റ് എൻ.പി.ബാബു നിർവ്വഹിച്ചു.
മുൻവർഷങ്ങളിലും ഉത്സവവേളയിൽ സംഭാരം വിതരണം ചെയ്ത് സേവാഭാരതി മാതൃകയായിരുന്നു.