ഇടുക്കി: അമേരിക്കൻ വനിത മൂന്നാറിൽ മരിച്ചു. ന്യൂജഴ്സി സ്വദേശിനി നോർമ ഗ്രേസ് (49) ആണ് മരിച്ചത്. ഞായറാഴ്ച രാവിലെ മൂന്നാർ പോതമേട്ടിലെ സ്വകാര്യ റിസോർട്ടിൽ കുഴഞ്ഞുവീഴുകയായിരുന്നു.
അമേരിക്കയിൽനിന്ന് ഏഴംഗ സംഘത്തോടൊപ്പം ശനിയാഴ്ചയാണ് ഇവിടെയെത്തിയത്. മൂന്നാറിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റ്മോർട്ടത്തിന് ഇടുക്കി മെഡിക്കൽ കോളജ് ആശുപത്രിയിലേക്ക് മാറ്റി.