മൂന്നാര്: മൂന്നാറില് ഇതര സംസ്ഥാന തൊഴിലാളിയുടെ 12 വയസ്സുള്ള മകളെ പീഡിപ്പിച്ച ശേഷം ഒളിവില് പോയ പ്രതി പിടിയില്. ജാര്ഖണ്ഡ് സ്വദേശി സെലാനാണ് അറസ്റ്റിലായത്. ബോഡിമെട്ടില് നിന്നാണ് ഇയാളെ പൊലീസ് അറസ്റ്റ് ചെയ്തത്.
സംഭവം നടന്ന് അഞ്ച് ദിവസത്തിന് ശേഷമാണ് ഒളിവില് പോയ സെലാനും ഭാര്യ സുമരി ബര്ജോയെയും പിടിയിലായത്. ഇവരെ കണ്ടെത്തുന്നതിനായി പൊലീസ് ലുക്കൗട്ട് നോട്ടീസ് പുറപ്പെടുവിച്ചിരുന്നു.
മൂന്നാര് ചിട്ടിവാര എസ്റ്റേറ്റില് വെച്ചായിരുന്നു സംഭവം. ജാര്ഖണ്ഡ് സ്വദേശിയായ പെണ്കുട്ടിയ്ക്ക് നേരെയാണ് അതിക്രമം നടന്നത്. വീട്ടില് ആരുമില്ലാതിരുന്ന സമയത്ത് പ്രതി കുട്ടിയെ കാട്ടിലേയ്ക്ക് കൂട്ടിക്കൊണ്ട് പോവുകയായിരുന്നു.
പെണ്കുട്ടിയ്ക്ക് ശരീരവേദന അനുഭവപ്പെട്ടതിനെത്തുടര്ന്ന് ബന്ധുക്കള് അന്വേഷിച്ചപ്പോഴാണ് സംഭവം പുറത്തറിയുന്നത്. പിന്നാലെ പൊലീസില് പരാതി നല്കുകയായിരുന്നു