കാസർഗോഡ് : വൃദ്ധദമ്പതികളെ കിണറ്റിൽ വീണ് മരിച്ച നിലയിൽ കണ്ടെത്തി. രാത്രി ഏഴിനായിരുന്നു സംഭവം.
കാസർഗോഡ് റാണിപുരം പന്തിക്കാൽ നീലച്ചാലിൽ മുൻ പഞ്ചായത്ത് അംഗം കൃഷ്ണ നായ്ക്ക് (84), ഭാര്യ ഐത്തമ്മ ബായി (80) എന്നിവരാണ് മരിച്ചത്.
അബദ്ധത്തിൽ കിണറ്റിൽ വീണതെന്നാണ് നിഗമനം.ഇവരെ വീട്ടിൽ കാണാത്തതിനെ തുടർന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്.
കൃഷ്ണൻ നായ്ക് റാണിപുരം വനസംരക്ഷണ സമിതി പ്രസിഡന്റ്, പെരുതടി മഹാദേവ ക്ഷേത്രം പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്.