സുരേഷ് ഗോപിയ്ക്കല്ല, വോട്ട് കെ രാധാകൃഷ്ണന്; ഇടത് സ്ഥാനാർത്ഥിയ്ക്കായി കലാമണ്ഡലം ഗോപി രംഗത്ത്

തൃശൂർ: തൃശൂരിൽ ആലത്തൂരിലെ ഇടത് സ്ഥാനാർത്ഥി കെ രാധാകൃഷ്ണന് വേണ്ടി മണ്ഡലത്തിലെ ജനങ്ങളോട് വോട്ടഭ്യർത്ഥിച്ച് കലാമണ്ഡലം ഗോപി ആശാന്‍. കേരളത്തിലെ ദേവസ്വം മന്ത്രിയെ വിജയിപ്പിക്കണമെന്നും മന്ത്രിയാകുന്നതിനും മുൻപ് തന്നെ അദ്ദേഹവുമായി നല്ല ബന്ധം തനിക്കുണ്ടെന്നും അദ്ദേഹം പങ്കുവെച്ച വീഡിയോയിൽ പറയുന്നു. 

കേരള കലാമണ്ഡലത്തിൽ അധ്യാപകനായി പ്രവർത്തിക്കുന്ന കാലത്താണ് അദ്ദേഹത്തെ കാണുന്നതെന്നും. അന്ന് രാഷ്ട്രീയ പ്രവർത്തകനമായും എംഎൽഎയായും കലാമണ്ഡലത്തോടച് വളരെ അടുപ്പമുണ്ടായിരുന്ന അദ്ദേഹം ഒട്ടേറെ സഹായങ്ങൾ കലാമണ്ഡലത്തിനായി ചെയ്തിട്ടുണ്ടെന്നും അന്നുമുതൽ തങ്ങൾക്കിടയിൽ വളരെ നല്ല സുഹൃത് ബന്ധമുണ്ടെന്നും അദ്ദേഹം പറയുന്നു.

തനിക്ക് ഈ സ്ഥാനാർത്ഥിയെക്കുറിച്ച് അത്രത്തോളം ഉറപ്പുണ്ടെന്നും അതുകൊണ്ടാണ് ജനങ്ങൾക്ക് മുൻപിലെത്തി ഇങ്ങനെ അഭ്യർത്ഥിക്കുന്നതെന്നും പറഞ്ഞാണ് വീഡിയോ അവസാനിക്കുന്നത്.