പ്രേമം എന്ന മലയാള ചിത്രത്തിലൂടെയെത്തി പ്രേക്ഷകരുടെ മനം കവര്ന്ന നായികയാണ് അനുപമ പരമേശ്വരന്. പ്രേമത്തിന്റെ വിജയത്തിന് ശേഷം തെലുങ്കില് നിരവധി അവസരങ്ങളാണ് അനുപമയെ തേടിയെത്തിയത്.
പ്രേമത്തിന് ശേഷം ജോമോന്റെ സുവിശേഷം എന്ന ചിത്രത്തിലും അനുപമ നായികയായിരുന്നു. പിന്നീട് മലയാളത്തില് ചിത്രങ്ങളൊന്നും ചെയ്തില്ല. തെലുങ്കില് കൈനിറയെ ചിത്രങ്ങളാണ് നടിക്ക്. ഇനി മലയാളത്തിലേക്ക് ഇല്ലേയെന്ന് ആരാധകര് അനുപമയോട് ചോദിക്കുന്നുണ്ട്.
ഇപ്പോള് ഇതിന് മറുപടിയുമായി എത്തിയിരിക്കുകയാണ് താരം. തെലുങ്കില് ഇപ്പോള് ധാരാളം ചിത്രങ്ങളുണ്ട്. അവിടെനിന്ന് ഒരു ഇടവേള കിട്ടുന്നില്ല. മലയാളത്തില്നിന്ന് നല്ല നല്ല പ്രോജക്ടുകള് വരുന്നുണ്ട്. പക്ഷേ ആ സമയത്തെല്ലാം ഞാന് തെലുങ്ക് ചിത്രത്തിന്റെ തിരക്കിലായിരിക്കും.
തെലുങ്ക് സിനിമക്കാര് എനിക്കുവേണ്ടി പല ത്യാഗങ്ങളും സഹിക്കുന്നുണ്ട്. അതൊക്കെ കണ്ടില്ലെന്ന് നടിക്കാനാവില്ല. എന്റെ ഡേറ്റിനു വേണ്ടി സിനിമ തുടങ്ങുന്നതു പോലും അവര് നീട്ടിവയ്ക്കുകയാണ് - അനുപമ പറയുന്നു.