അകാരസൗഷ്ഠവും അഭിനയം കൊണ്ടും മലയാളികളെ വിസ്മയിപ്പിച്ച നടനാണ് ക്യാപ്റ്റന് രാജുവെന്ന് നടന് മമ്മൂട്ടി. അദ്ദേഹത്തെ പോലെ ഇത്രയും മറുഭാഷയില് അഭിനയിച്ച മറ്റൊരു നടന് മലയാളത്തില് ഇല്ലെന്നും ഈ വിയോഗം സിനിമാലോകത്തിന് വലിയ നഷ്ടം തന്നെയാണെന്നും മമ്മൂട്ടി പറഞ്ഞു.
'ആകാരസൗഷ്ഠവവും അഭിനയം കൊണ്ടും മലയാളികളെ വിസ്മയിപ്പിച്ച നടനാണ് ക്യാപ്റ്റന് രാജു. ഇത്രയും സൗന്ദര്യവും പൊക്കവും ഉള്ള നടന് ആ സമയത്ത് ഇല്ല. ഫലത്തില് ഇപ്പോഴും ഇല്ല. തന്റെ തൊഴിലിനോട് വളരെ ആത്മാര്ത്ഥത ഉള്ള ആളായിരുന്നു അദ്ദേഹം.
സുഹൃത്തുക്കളോടും അങ്ങനെ തന്നെ ആയിരുന്നു. വളരെ ഇമോഷണല് ആയ ആളാണ്. തെന്നിന്ത്യയിലെ എല്ലാ ഭാഷകളിലും ഹിന്ദിയിലും വരെ അഭിനയിച്ചിട്ടുള്ള ആളാണ്. ഇത്രയും മറുഭാഷയില് അഭിനയിച്ച മറ്റൊരു നടന് മലയാളത്തില് ഇല്ല എന്ന് തന്നെ എനിക്ക് തോന്നുന്നു.
അദ്ദേഹത്തിന്റെ ഈ രൂപ ഭംഗിയും അഭിനയ ചാതുര്യവും തന്നെയാണ് അദ്ദേഹത്തെ ഇത്രയും പ്രശസ്തന് ആക്കിയത്. അതുപോലെ മറ്റു ഭാഷകളില് അഭിനയിക്കാനുള്ള അവസരം ഉണ്ടാക്കിയത്.
അദ്ദേഹം സംവിധാനം ചെയ്തിട്ടുണ്ട്. സ്വയം രാജുച്ചായന് എന്ന് പറഞ്ഞാണ് അദ്ദേഹം സംസാരിക്കാറുള്ളത്. വടക്കന് വീരഗാഥ, ആവനാഴി അങ്ങനെ കുറെ സിനിമകളില് ഞങ്ങള് ഒരുമിച്ചു അഭിനയിച്ചിട്ടുണ്ട്. അദ്ദേഹത്തിന്റെ വിയോഗം വലിയ നഷ്ടം തന്നെയാണ് സിനിമയ്ക്ക്' . മമ്മൂട്ടി പറഞ്ഞു.