/ "publive-image")
മോഹന്‍ലാലിന്റെ പുതിയ രണ്ടു ചിത്രങ്ങള്‍ക്കായുള്ള കാത്തിരിപ്പിലാണ് ആരാധകര്‍. ശ്രീകുമാര്‍ മേനോന്റെ ഒടിയൻ, അജോയ് വർമയുടെ നീരാളി എന്നീ ചിത്രങ്ങളാണ് പുറത്തിറങ്ങാനിരിക്കുന്നത്.
ചിത്രീകരണം പൂർത്തിയായ നീരാളി ജൂലൈയിൽ റിലീസ് ചെയ്യാനുളള നീക്കത്തിലാണ് അണിയറപ്രവർത്തകർ. ഒടിയൻ ഓണം റിലീസായാകും തിയറ്ററുകളിലെത്തുക.
തങ്ങള്‍ ഏറെ കാത്തിരിക്കുന്ന ഈ സൂപ്പര്‍ ചിത്രങ്ങള്‍ക്ക് ശേഷം മോഹന്‍ലാലിന്റെ അടുത്ത ചിത്രം ഏതായിരിക്കുമെന്ന ആകാംഷയിലാണ് ആരാധകര്‍. ഇപ്പോഴിതാ മോഹന്‍ലാല്‍ അടുത്തതായി അഭിനയിക്കുന്നത് രഞ്ജിത്ത് ചിത്രത്തിലായിരിക്കുമെന്നാണ് വാര്‍ത്തകള്‍. രഞ്ജിത്തിന്റെ ബിലാത്തിക്കഥയിലാണ് മോഹൻലാൽ അഭിനയിക്കുന്നത്.
ചിത്രീകരണത്തിനായി മെയ് രണ്ടാം വാരം മോഹൻലാൽ ഇംഗ്ലണ്ടിലേക്ക് പറക്കും. നാല്പത്തിയഞ്ച് ദിവസത്തെ ഡേറ്റാണ് ബിലാത്തിക്കഥയ്ക്ക് മോഹൻലാൽ നൽകിയിരിക്കുന്നത്.
മണിയന്‍പിള്ള രാജുവിന്റെ മകനായ നിരഞ്ജന്‍ ഈ ചിത്രത്തില്‍ മോഹന്‍ലാലിനൊപ്പം ഒരു സുപ്രധാന വേഷത്തില്‍ എത്തുന്നു എന്ന പ്രത്യേകതയുമുണ്ട്.. അനു സിത്താര, ജ്യുവല്‍ മേരി,കനിഹ തുടങ്ങിയവരാണ് ചിത്രത്തിലെ നായികമാര്‍.
ദിലീഷ് പോത്തന്‍, കലാഭവന്‍ ഷാജോണ്‍, ഷാലിന്‍ സോയ, എന്നിവരോടൊപ്പം സംവിധായകരായ ജോണി ആന്റണിയും ശ്യാമപ്രസാദും ചിത്രത്തിലഭിനയിക്കുന്നു. ഹരിനാരായണന്റെ വരികള്‍ക്ക് വിനു തോമസ് ആണ് സംഗീതം നല്‍കുന്നത്. രക്ഷാധികാരി ബൈജു ഒപ്പ് എന്ന ചിത്രത്തിലൂടെ പ്രശസ്തനായ ഛായാഗ്രാഹകന്‍ പ്രശാന്ത് രവീന്ദ്രനാണ് ഈ ചിത്രത്തിന് ഛായാഗ്രഹണം നിര്‍വ്വഹിക്കുന്നത്.
ലില്ലി പാഡ് മോഷന്‍ പിക്‌ചേഴ്‌സിന്റെയും വര്‍ണ്ണചിത്ര ഗുഡ്ലൈന്‍ പ്രൊഡക്ഷന്‍സിന്റെയും ബാനറില്‍ സുബൈര്‍ എന്‍. പി, എന്‍. കെ. നാസര്‍ എന്നിവര്‍ ചേര്‍ന്നാണ് ബിലാത്തിക്കഥ നിര്‍മ്മിക്കുന്നത്.
Follow Us/sathyam/media/agency_attachments/5VspLzgrB7PML1PH6Ix6.png)
