അധോലോക നായകൻ ചോട്ടാ രാജൻ, ഭീകരൻ സിയാവുർ റഹ്മാൻ, ഗാങ്ങ്സ്റ്റർ നീരജ് ബവാന; അരവിന്ദ് കെജ്രിവാളിൻ്റെ തീഹാർ ജയിലിലെ അയൽക്കാർ ഇവർ

ഡൽഹി: അധോലോക നായകൻ ഛോട്ടാ രാജൻ, കുപ്രസിദ്ധ ഗാങ്സ്റ്റർ നീരജ് ബവാന, ഭീകരൻ സിയാവുർ റഹ്മാൻ എന്നിവരാണ് മദ്യനയക്കേസിൽ തിഹാറിലെ ജയിൽ നമ്പർ 2 ലെ സെല്ലിൽ കഴിയുന്ന ഡൽഹി മുഖ്യമന്ത്രി അരവിന്ദ് കെജ്‌രിവാളിൻ്റെ അയൽവാസികൾ. ജുഡീഷ്യൽ കസ്റ്റഡിയിൽ വിട്ട കെജ്‌രിവാൾ അടുത്ത രണ്ടാഴ്ച തിഹാർ ജയിലിൽ ആയിരിക്കും.

ദാവൂദ് ഇബ്രാഹിമിൻ്റെ കടുത്ത എതിരാളിയാകുന്നതിന് മുമ്പ് ഛോട്ടാ രാജൻ ഒരു കാലത്ത് അദ്ദേഹത്തിൻ്റെ അടുത്ത സഹായിയായിരുന്നു. കൊലപാതകം, കൊലപാതകശ്രമം, കൊള്ളയടിക്കൽ തുടങ്ങി നാൽപ്പതിലധികം കേസുകളുള്ള കുപ്രസിദ്ധ ഗുണ്ടാസംഘമാണ് നീരജ് ബവാന.

ഇന്ത്യൻ മുജാഹിദ്ദീൻ പ്രവർത്തകനാണ് സിയാവുർ റഹ്മാൻ. മദ്യനയ കേസിൽ കഴിഞ്ഞ വർഷം അറസ്റ്റിലായ എഎപി നേതാവ് സഞ്ജയ് സിംഗ് നേരത്തെ ജയിലിൽ രണ്ടാം നമ്പർ തടവിലായിരുന്നുവെങ്കിലും അടുത്തിടെ ജയിൽ നമ്പർ അഞ്ചിലേക്ക് മാറ്റിയിരുന്നു.

കെജ്‌രിവാളിൻ്റെ മുൻ ഉപമുഖ്യമന്ത്രി മനീഷ് സിസോദിയ ജയിലിൽ ഒന്നാം നമ്പറിലും ബിആർഎസ് നേതാവ് കെ കവിത വനിതാ വിഭാഗത്തിലെ ആറാം നമ്പർ ജയിലിലുമാണ്.