രാഹുലിനെ പ്രധാനമന്ത്രിയാക്കാൻ പാകിസ്ഥാൻ ആഗ്രഹിക്കുന്നു: കോൺഗ്രസ് പാക്കിസ്ഥാൻ്റെ അനുയായിയെന്ന് പ്രധാനമന്ത്രി

ഡൽഹി: കോൺഗ്രസ് നേതാവ് രാഹുൽ ഗാന്ധിയെ പിന്തുണച്ച് പാക്കിസ്ഥാന രംഗത്തെത്തിയതിൽ കടുത്ത വിമർശനവുമായി പ്രധാനമന്ത്രി നരേന്ദ്ര മോദി. 'ഷെഹ്‌സാദ'യെ പ്രധാനമന്ത്രിയാക്കാൻ പാകിസ്ഥാൻ ആഗ്രഹിക്കുന്നു, കോൺഗ്രസ് പാർട്ടി പാക്കിസ്ഥാൻ്റെ അനുയായി ആണെന്നുമായിരുന്നു മോദിയുടെ പരിഹാസം.  

"കോൺഗ്രസ് ഇവിടെ മരിക്കുന്നു, പാകിസ്ഥാനികൾ കരയുന്നു," ഗുജറാത്തിലെ ആനന്ദിൽ നടന്ന തിരഞ്ഞെടുപ്പ് റാലിയെ അഭിസംബോധന ചെയ്തുകൊണ്ട് പ്രധാനമന്ത്രി പറഞ്ഞു.

പാകിസ്ഥാൻ നേതാക്കൾ കോൺഗ്രസിൻ്റെ ഇന്ത്യയുടെ പ്രധാനമന്ത്രിയായി 'ഷെഹ്സാദയെ' ആക്കാനാണ് ആഗ്രഹിക്കുന്നത്. പാക്കിസ്ഥാനിലെ ഇമ്രാൻ ഖാൻ്റെ മന്ത്രിസഭയിലെ മുൻ മന്ത്രി ചൗധരി ഫവാദ് ഹുസൈൻ ബുധനാഴ്ച രാഹുൽ ഗാന്ധിയെ പ്രശംസിച്ച സാഹചര്യത്തിലാണ് പ്രധാനമന്ത്രിയുടെ പരാമർശം.

"രാജ്യം 60 വർഷമായി കോൺഗ്രസിൻ്റെ ഭരണവും 10 വർഷമായി ബിജെപിയുടെ സേവകാലവും കണ്ടു. കോൺഗ്രസിൻ്റെ 60 വർഷത്തെ ഭരണത്തിൽ 60 ശതമാനത്തോളം ഗ്രാമീണ ജനതയ്ക്ക് കക്കൂസ് സൗകര്യം ഉണ്ടായിരുന്നില്ല.

മുസ്‌ലിംകൾക്ക് പട്ടികജാതി (എസ്‌സി), പട്ടികവർഗ (എസ്‌ടി), മറ്റ് പിന്നാക്ക വിഭാഗങ്ങൾ (ഒബിസി) സംവരണം നൽകുന്നതിനായി ഇന്ത്യൻ ഭരണഘടന മാറ്റാൻ കോൺഗ്രസ് ആഗ്രഹിക്കുന്നുവെന്നും പ്രധാനമന്ത്രി മോദി ആരോപിച്ചു.

"മതത്തിൻ്റെ അടിസ്ഥാനത്തിൽ സംവരണം നൽകുന്നതിന് ഭരണഘടനയിൽ മാറ്റം വരുത്തില്ലെന്ന് രേഖാമൂലം നൽകാൻ ഞാൻ കോൺഗ്രസിനെ വെല്ലുവിളിക്കുന്നു,” മോദി പറഞ്ഞു.

കഴിഞ്ഞ 10 വർഷത്തിനിടെ ഞങ്ങൾ 14 കോടി വീടുകൾക്ക് ടാപ്പ് വാട്ടർ കണക്ഷൻ നൽകിയപ്പോൾ 60 വർഷത്തിനിടെ കോൺഗ്രസ് വെറും 3 കോടി വീടുകൾക്കാണ് നൽകിയതെന്ന് ബിജെപിയുടെ നേട്ടങ്ങൾ നിരത്തി പ്രധാനമന്ത്രി മോദി പറഞ്ഞു.

"ഞാൻ വർഷങ്ങളായി ഗുജറാത്തിൽ ജോലി ചെയ്യുന്നു. 2014-ൽ നിങ്ങൾ എന്നെ രാജ്യത്തെ സേവിക്കാൻ അയച്ചു. ഗുജറാത്തിൽ ജോലി ചെയ്യുമ്പോൾ ഗുജറാത്തിൻ്റെ വികസനം ഇന്ത്യയുടെ വികസനത്തിന് എന്നൊരു മന്ത്രം ഞങ്ങൾക്കുണ്ടായിരുന്നു. 100 വർഷം തികയുമ്പോൾ എനിക്ക് ഒരേയൊരു സ്വപ്നമേയുള്ളു. 2047-ൽ ഇന്ത്യ ഒരു 'വിക്ഷിത് ഭാരത്' ആകണം," പ്രധാനമന്ത്രി പറഞ്ഞു.