മുംബൈ: മാവോയിസ്റ്റ് ബന്ധം ആരോപിച്ചുള്ള കേസില് തടവിലായിരുന്ന പ്രഫ. ജി.എന്.സായ്ബാബ ജയില് മോചിതനായി. പത്ത് വര്ഷത്തെ നിയമപോരാട്ടത്തിനൊടുവിലാണ് നാഗ്പുര് സെന്ട്രല് ജയിലില്നിന്ന് മോചിതനായത്.
കഴിഞ്ഞ ചൊവ്വാഴ്ചയാണ് സായ്ബാബയെ ബോംബെ ഹൈക്കോടതി നാഗ്പുര് ബെഞ്ച് കുറ്റവിമുക്തനാക്കിയത്. വിചാരണക്കോടതി വിധിക്കെതിരെ സായ്ബാബ നല്കിയ അപ്പീല് പരിഗണിച്ചായിരുന്നു വിധി.
ഡല്ഹി സര്വകലാശാലയ്ക്കു കീഴിലെ രാം ലാല് ആനന്ദ് കോളജില് ഇംഗ്ലീഷ് അധ്യാപകനായിരിക്കെയാണു മഹാരാഷ്ട്ര പോലീസ് സായ്ബാബയെ അറസ്റ്റ് ചെയ്തത്.
മഹാരാഷ്ട്രയിലെ ഗഡ്ചിറോളിയിലെ കോടതിയാണ് 2017 ല് സായ്ബാബയ്ക്കും ഡല്ഹി ജെഎന്യു വിദ്യാര്ഥി ഹേം മിശ്ര, മാധ്യമപ്രവര്ത്തകന് പ്രശാന്ത് സാംഗ്ലിക്കര്, മഹേഷ് ടിര്ക്കി, പാണ്ഡു നരോതെ എന്നിവര്ക്കും ജീവപര്യന്തം തടവു വിധിച്ചത്.