ബാംഗ്ലൂര്: 55 -)൦ മണിക്കൂറില് സഭയുടെ വിശ്വാസം നേടാനാകാതെ മുഖ്യമന്ത്രി യെദ്യൂരപ്പ നിയമസഭയില് രാജി പ്രഖ്യാപിച്ചപ്പോള് തകര്ന്നത് ബി ജെ പിയുടെ മുഖമാണ്. 2014 ല് മോഡി - അമിത് ഷാ ജൈത്രയാത്ര ആരംഭിച്ച ശേഷം ബി ജെ പിയ്ക്ക് രാഷ്ട്രീയ കളികളില് നേരിടുന്ന ആദ്യ തിരിച്ചടി.
ഗോവയിലെ സ്ഥിതിയും അത് തന്നെയായിരുന്നു. 40 അംഗ സഭയില് 17 സീറ്റുകള് ഉള്ള കോണ്ഗ്രസിനെ പ്രതിപക്ഷത്തിരുത്തി 12 സീറ്റുകളുമായി ബി ജെ പി സര്ക്കാരുണ്ടാക്കി. ഈ മൂന്നിടത്തും ബി ജെ പി ദുര്ബലമായ ന്യൂനപക്ഷമായിരുന്നിട്ടും ഗവര്ണര് അവരെ സര്ക്കാരുണ്ടാക്കാന് ക്ഷണിച്ചു. അവര് അതില് വിജയിച്ചു.
60 അംഗ സഭയില് വെറും 2 സീറ്റുകള് മാത്രം നേടിയിട്ടും 21 സീറ്റുകളുള്ള കോണ്ഗ്രസിനെ വെട്ടി സര്ക്കാരുണ്ടാക്കിയതായിരുന്നു അമിത് ഷായുടെ 'പവര്' ! മണിപ്പൂരില് 60 അംഗ സഭയില് കോണ്ഗ്രസിന് 28 സീറ്റുകള് ഉണ്ടായിരുന്നിട്ടും 21 സീറ്റുകള് മാത്രം നേടിയ ബി ജെ പി സര്ക്കാരുണ്ടാക്കി.
എന്നാല് കര്ണ്ണാടകയിലെ സ്ഥിതി വ്യത്യസ്തമായിരുന്നു. 104 സീറ്റുകളുമായി ഇവിടെ ഏറ്റവും വലിയ ഒറ്റകക്ഷിയായിരുന്നു ബി ജെ പി. എന്നിട്ടും സര്ക്കാരുണ്ടാക്കിയിട്ട് വിശ്വാസ വോട്ട് നേടാനായില്ല.
മാത്രമല്ല, ഗവര്ണറുടെ നടപടി വരെ സുപ്രീംകോടതി ഇടപെട്ട് തിരുത്തി. യഥാര്ത്ഥത്തില് ഇത് ഇന്ത്യന് ജനാധിപത്യത്തെ സംരക്ഷിക്കുന്നതിനുള്ള സുപ്രീംകോടതിയുടെ കരുതലിന്റെ വിജയം കൂടിയായിരുന്നു. തെരഞ്ഞെടുപ്പിന് ശേഷം രൂപപ്പെട്ട കോണ്ഗ്രസ് - ദള് സഖ്യം ഇനി കര്ണ്ണാടകയില് സര്ക്കാര് രൂപീകരിക്കുകയാണ്.