ഉത്കണ്ഠ കുറയ്ക്കുന്നതിന് ഡയറ്റിൽ ഉൾപ്പെടുത്തേണ്ട ഭക്ഷണങ്ങൾ ഏതൊക്കൊയാണെന്ന് നോക്കാം..

 ചില ഭക്ഷണങ്ങൾ നമ്മളിലെ ഉത്കണ്ഠ കുറയ്ക്കാൻ സഹായിക്കുമെന്നത് പലരും അറിയാതെ പോകുന്നു. കൃത്യമായ വ്യായാമത്തോടൊപ്പം സമീകൃതാഹാരവും ശാരീരിക ആരോഗ്യത്തിന് മാത്രമല്ല മാനസികാരോഗ്യത്തിനും ഗുണം ചെയ്യും. നമ്മൾ കഴിക്കുന്ന ഭക്ഷണം എന്തുമാകട്ടെ അത് ശരീരത്തിന്റെയും മനസിന്റെയും ആരോഗ്യത്തെ ഒരുപോലെ സ്വാധീനിക്കുന്നുണ്ട്. തലച്ചോറിലെ രാസവസ്തുക്കളിലെ അളവിലുണ്ടാകുന്ന വ്യതിയാനങ്ങളാണ് പലപ്പോഴും ഉത്കണ്ഠയിലേക്ക് നയിക്കുന്നത്.

തെെര്...

തൈര് കഴിക്കുന്നത് ഉത്കണ്ഠ ലഘൂകരിക്കാനും മാനസികാവസ്ഥ മെച്ചപ്പെടുത്താനും സഹായിക്കും. പുളിപ്പിച്ച ഭക്ഷണങ്ങളിലെ സജീവമായ പ്രോബയോട്ടിക് സംയുക്തങ്ങൾ ഉത്കണ്ഠയും സമ്മർദ്ദവും കുറയ്ക്കാൻ സഹായിക്കുമെന്ന് പഠനങ്ങൾ കണ്ടെത്തിയിട്ടുണ്ട്. ശരീരത്തിലെ സെറോടോണിൻ ഉൽപ്പാദനത്തിന്റെ ഏകദേശം 95%  കുടലിലാണ് നടക്കുന്നത്. സെറോടോണിൻ ഉണ്ടാക്കുന്നത് നിലനിർത്താൻ ദഹനവ്യവസ്ഥ ആരോഗ്യകരമല്ലെങ്കിൽ അത് മാനസികാരോഗ്യത്തെ ബാധിക്കും. നമ്മുടെ മാനസികാവസ്ഥയെ നിയന്ത്രിക്കുകയും സ്ഥിരപ്പെടുത്തുകയും ചെയ്യുന്ന ന്യൂറോ ട്രാൻസ്മിറ്ററാണ് സെറോടോണിൻ.

ബദാം...

ബദാമിന് ധാരാളം ആരോ​ഗ്യ​ഗുണങ്ങളുണ്ട്. അവ ഹൃദയാരോഗ്യത്തിന് മാത്രമല്ല, ഉത്കണ്ഠ കുറയ്ക്കാനും സഹായിക്കും. ഇതിലെ വിറ്റാമിൻ ഇ, ഒമേഗ-3 എന്നിവ മസ്തിഷ്കത്തെ മികച്ച പ്രകടനത്തിൽ നിലനിർത്തുന്നു. നിങ്ങൾ എത്രമാത്രം മഗ്നീഷ്യം അടങ്ങിയ ഭക്ഷണങ്ങൾ കഴിക്കുന്നു എന്നത് ഉത്കണ്ഠയുടെ നേരിയ ലക്ഷണങ്ങൾ കുറയ്ക്കും. മഗ്നീഷ്യം കൂടുതലുള്ള ഭക്ഷണങ്ങളിൽ ഇലക്കറികളും ചീരയും ഉൾപ്പെടുന്നു. ഇലക്കറികൾക്ക് വിറ്റാമിൻ സിയുടെ നല്ല ഉറവിടം അടങ്ങിയിരിക്കുന്നതിന്റെ അധിക ഗുണമുണ്ട്. വിറ്റാമിൻ സിയുടെ കുറവ് സമ്മർദ്ദവുമായി ബന്ധപ്പെട്ട വൈകല്യങ്ങളുമായി ബന്ധപ്പെട്ടിരിക്കുന്നുവെന്ന് ഗവേഷണങ്ങൾ കാണിക്കുന്നു.

ബ്ലൂബെറി...

ആന്റിഓക്‌സിഡന്റുകളും വിറ്റാമിൻ സിയും ഉത്‌കണ്‌ഠ കുറയ്ക്കുന്നതായി പഠനങ്ങൾ പറയുന്നു. ഇതിൽ വിറ്റാമിൻ സി ധാരാളമായി അടങ്ങിയിട്ടുണ്ട്. ബ്ലൂബെറി കഴിക്കുന്നത് ഉത്കണ്ഠ തടയാൻ സഹായിക്കുമെന്ന് ​ഗവേഷകർ പറയുന്നു. ബ്ലൂബെറി സ്മൂത്തിയായോ അല്ലെങ്കിൽ തെെരിലോ ചേർത്ത് കഴിക്കാവുന്നതാണ്.

സാൽമൺ മത്സ്യം...

ഒമേഗ -3 ഫാറ്റി ആസിഡിന്റെ ഉള്ളടക്കത്തിന് പേരുകേട്ട സാൽമൺ, ഉത്കണ്ഠയ്ക്കുള്ള മറ്റൊരു മികച്ച ഭക്ഷണമാണ്. പതിവായി സാൽമൺ മത്സ്യം കഴിക്കുന്നത് കോർട്ടിസോൾ, അഡ്രിനാലിൻ എന്നിവയുടെ അളവ് കുറയ്ക്കാൻ സഹായിക്കുന്നു. സാൽമണിലെ ഫാറ്റി ആസിഡുകൾ -- ഡോകോസഹെക്സെനോയിക് ആസിഡും ഇക്കോസപെന്റനോയിക് ആസിഡും -- വീക്കം കുറയ്ക്കുന്നതിലൂടെയും ഡോപാമൈൻ, സെറോടോണിൻ എന്നിവ നിയന്ത്രിക്കുന്നതിലൂടെയും തലച്ചോറിന്റെ ആരോഗ്യത്തെ പിന്തുണയ്ക്കുന്നു. ‍

ഡാർക്ക് ചോക്ലേറ്റ്...

ഉത്കണ്ഠ ഒഴിവാക്കാൻ സഹായിക്കുന്ന ആന്റിഓക്‌സിഡന്റുകൾ നിർമ്മിക്കുന്ന പോഷക ഘടകങ്ങൾ ഡാർക്ക് ചോക്ലേറ്റിൽ അടങ്ങിയിട്ടുണ്ട്. ഡാർക്ക് ചോക്ലേറ്റിലെ ഫ്ലേവനോളുകൾ തലച്ചോറിലേക്കുള്ള രക്തയോട്ടം വർദ്ധിപ്പിക്കുന്നതന് സഹായിക്കുന്നു. അല്ലെങ്കിൽ ശരീരത്തിലെ കോർട്ടിസോളിന്റെ അളവ് കുറയ്ക്കാൻ ഡാർക്ക് ചോക്ലേറ്റിന് കഴിയും. ഡാർക്ക് ചോക്ലേറ്റും മറ്റ് കൊക്കോ അടങ്ങിയ ഉൽപ്പന്നങ്ങളും മാനസികാവസ്ഥ മെച്ചപ്പെടുത്തുകയും ഉത്കണ്ഠ കുറയ്ക്കുകയും ചെയ്യുന്നതായി പഠനങ്ങൾ കണ്ടെത്തി.

മഞ്ഞൾ...

മഞ്ഞൾ ഒരു സാധാരണ സുഗന്ധവ്യഞ്ജനമാണ്. ഇതിലെ കുർക്കുമിൻ എന്ന സംയുക്തം ഉത്കണ്ഠാ രോഗങ്ങൾ തടയാൻ സഹായിക്കും. മഞ്ഞൾ കഴിക്കുന്നത് തലച്ചോറിന്റെ വികാസത്തിനും തലച്ചോറിലെ സെറോടോണിൻ, ഡോപാമൈൻ എന്നിവയുടെ ഉത്പാദനത്തിനും നിർണായകമായ ഫാറ്റി ആസിഡായ ഡിഎച്ച്എയുടെ അളവ് വർദ്ധിപ്പിക്കുന്നു. വിഷാദരോഗം ലഘൂകരിക്കുന്നതിൽ കുർക്കുമിനും പങ്കുവഹിക്കുമെന്ന് പഠനങ്ങൾ കണ്ടെത്തിയിട്ടുണ്ട്.

അവോക്കാഡോ...

ആരോഗ്യകരമായ കൊഴുപ്പുകളും നാരുകളും അടങ്ങിയ ഒരു സൂപ്പർ ഫുഡാണ് അവോക്കാഡോ. ഇത് ഹൃദയ സംബന്ധമായ അസുഖങ്ങൾ അല്ലെങ്കിൽ ടൈപ്പ് 2 പ്രമേഹം പോലുള്ള വിട്ടുമാറാത്ത അവസ്ഥകൾ വികസിപ്പിക്കാനുള്ള ഒരു വ്യക്തിയുടെ സാധ്യത കുറയ്ക്കുമെന്ന് തെളിയിക്കപ്പെട്ടിട്ടുണ്ട്. മാനസികാരോഗ്യത്തിന് പ്രത്യേകിച്ച് പ്രധാനപ്പെട്ട ബി വിറ്റാമിനുകളും അവയിൽ സമ്പന്നമാണ്. ഒരാളുടെ ഭക്ഷണത്തിലെ കൂടുതൽ ബി വിറ്റാമിനുകൾ സമ്മർദ്ദവും ഉത്കണ്ഠയും കുറയ്ക്കാൻ സഹായിക്കുമെന്ന് പഠനങ്ങൾ കണ്ടെത്തി.