സ്ലൊവാക്യയിലെ പാര്ലമെന്റ് തെരഞ്ഞെടുപ്പില് റഷ്യന് അനുകൂല പാര്ട്ടിക്ക് വിജയം. കൂടുതല് വോട്ടുകള് നേടി റഷ്യന് അനുകൂല വ്യക്തി ഒന്നാമതെത്തി. സ്ലോവാക്യയുടെ സ്റ്റാറ്റിസ്റ്റിക്കല് ഓഫീസ് പുറത്തുവിട്ട പ്രാഥമിക ഫലങ്ങള് അനുസരിച്ച് റോബര്ട്ട് ഫിക്കോയുടെ ജനകീയ സ്മെര് 23.3 ശതമാനം വോട്ട് നേടി.
പ്രോഗസീവ് സ്ലൊവാക്യ (പി.എസ്), ലിബറല്, ഉക്രേനിയന് അനുകൂല പാര്ട്ടി 17 ശതമാനം വോട്ടുകള് നേടി. പാര്ലമെന്റിലെ ആകെ 150 സീറ്റുകളിലേക്കാണ് വോട്ടെടുപ്പ് നടന്നത്. ഉക്രെയ്നിലെ നാറ്റോയ്ക്കും യൂറോപ്യന് യൂണിയന് ഐക്യത്തിനും വെല്ലുവിളി ഉയര്ത്തുമെന്നാണ് തെരഞ്ഞെടുപ്പിന്റെ പ്രാഥമിക ഫലങ്ങള് കാണിക്കുന്നത്.
ഒരു മുന് സ്മെര് അംഗത്തിന്റെ നേതൃത്വത്തില്, ആഭ്യന്തര തര്ക്കങ്ങളെത്തുടര്ന്ന് സ്മെറിന്റെ ഒരു ശാഖയായി രൂപീകരിച്ച മിതവാദി-ഇടതുപക്ഷ പാര്ട്ടി, 15% വോട്ട് നേടി മൂന്നാം സ്ഥാനത്തെത്തി. അധികാരത്തില് തിരിച്ചെത്താനുള്ള തന്റെ ശ്രമം വിജയിക്കണമെങ്കില് റഷ്യയുടെ യുദ്ധത്തില് അയല്രാജ്യമായ ഉക്രെയ്നുള്ള സ്ലൊവാക്യയുടെ സൈനിക പിന്തുണ പിന്വലിക്കുമെന്ന് ഫിക്കോയും അദ്ദേഹത്തിന്റെ ഇടതുപക്ഷ സ്മെര് അല്ലെങ്കില് ഡയറക്ഷനും പ്രതിജ്ഞയെടുത്തിരുന്നു.
2006നും 2010നും ഇടയിലും 2012 മുതല് 2018 വരെയും ഒരു ദശാബ്ദത്തിലേറെ ഫിക്കോ സ്ലൊവാക്യയുടെ പ്രധാനമന്ത്രിയായിരുന്നു. മാധ്യമപ്രവര്ത്തകന് ജാന് കുസിയാക്കിന്റെയും പ്രതിശ്രുത വധു മാര്ട്ടിന കുഷ്നിറോവയുടെയും കൊലപാതകത്തില് ആഴ്ചകള് നീണ്ട പ്രതിഷേധത്തെത്തുടര്ന്ന് 2018 മാര്ച്ചില് സ്ഥാനത്ത് നിന്ന് രാജി വയ്ക്കുകയായിരുന്നു.