മെൽബൺ: ഓസ്ട്രേലിയൻ യുവതി ഉന്നയിച്ച ലൈംഗികാതിക്രമ പരാതിയിൽ ശ്രീലങ്കൻ ക്രിക്കറ്റ് താരം ധനുഷ്ക ഗുണതിലകയെ കുറ്റവിമുക്തനാക്കി സിഡ്നി കോടതി.
കേസിൽ ഗുണതിലകെ കുറ്റക്കാരനല്ലെന്ന് വിധിച്ച കോടതി, അദ്ദേഹത്തിന്റെ പാസ്പോർട്ട് വിട്ടുനൽകണമെന്നും രാജ്യംവിടാൻ അനുവദിക്കണമെന്നും ഉത്തരവിട്ടു.
2022 ട്വന്റി -20 ലോകകപ്പിനായി ഓസ്ട്രേലിയയിൽ എത്തിയ വേളയിലാണ് ഗുണതിലകയ്ക്കെതിരെ 29 വയസുകാരിയായ യുവതി പരാതി ഉന്നയിച്ചത്. ഡേറ്റിംഗ് ആപ്പിലൂടെ പരിചയപ്പെട്ട ഗുണതിലക തന്നെ പീഡിപ്പിച്ചുവെന്നാണ് യുവതി പരാതിപ്പെട്ടത്.
എന്നാൽ, യുവതിയുടെ പരാതിയിൽ കഴമ്പില്ലെന്നും പരസ്പരസമ്മതത്തോടെയുള്ള ബന്ധമാണിതെന്ന് ഡേറ്റിംഗ് ആപ്പിലെ ചാറ്റ് രേഖകളിലൂടെ വ്യക്തമാണെന്നും കോടതി അറിയിച്ചു.