മോസ്‌കോ: ഒരാഴ്ചത്തെ റഷ്യ സന്ദര്‍ശനത്തിന് ശേഷം ഉത്തരകൊറിയന്‍ ഏകാധിപതി കിം ജോങ് ഉന്‍ സ്വന്തം രാജ്യത്തേക്ക് മടങ്ങി. പ്രത്യേക ട്രെയിനില്‍ റഷ്യ സന്ദര്‍ശിച്ച കിം ജോങിന് ഉത്തരകൊറിയയിലേക്ക് മടങ്ങുമ്പോള്‍ പുടിന്റെ വകയായി ചില സമ്മാനങ്ങളും ലഭിച്ചു.
ബുള്ളറ്റ് പ്രൂഫ് ജാക്കറ്റുകളും ഡ്രോണുകളും അടങ്ങുന്ന സമ്മാനങ്ങള്‍ പാശ്ചാത്യ രാജ്യങ്ങളുടെ ആശങ്ക വര്‍ധിപ്പിക്കുകയാണ്. യുക്രൈനെതിരായ ആക്രമണത്തില്‍ സഹായിക്കാന്‍ റഷ്യക്ക് ഉത്തരകൊറിയ ആയുധങ്ങള്‍ നല്‍കുമെന്ന അഭ്യൂഹങ്ങള്‍ ഇതോടെ ശക്തമായി.
കിം ജോങ് വളരെ അപൂര്‍വമായേ വിദേശയാത്രകള്‍ നടത്തുന്നുള്ളൂ.റഷ്യയില്‍ അദ്ദേഹത്തിന് വന്‍ വരവേല്‍പ്പാണ് നല്‍കിയത്.തന്റെ മിക്ക പര്യടനങ്ങളിലും കിം ജോങ് സൈനിക കേന്ദ്രങ്ങള്‍ സന്ദര്‍ശിച്ചിരുന്നു.
ഉത്തരകൊറിയ കടുത്ത ഉപരോധത്തിന് വിധേയമായ രാജ്യമായതിനാല്‍ അവര്‍ക്ക് ഊര്‍ജം, ഭക്ഷണം അടക്കമുള്ളവ തൊട്ട് സൈനിക സാങ്കേതിക വിദ്യ വരെ ആവശ്യമാണ്.റഷ്യന്‍ സന്ദര്‍ശനത്തിനിടെ കിം ജോങ് റഷ്യന്‍ പ്രസിഡന്റ് വ്‌ളാഡിമിര്‍ പുടിനുമായി ചര്‍ച്ച നടത്തിയതിന്റെ കൂടി പശ്ചാത്തലത്തിലാണ് പുതിയ ആശങ്കകള്‍ ഉയരുന്നത്.
കിഴക്കന്‍ റഷ്യന്‍ മേഖലയായ പ്രിമോറിയുടെ ഗവര്‍ണര്‍ കിം ജോങ്ങിന് ബുള്ളറ്റ് പ്രൂഫ് ജാക്കറ്റും ഒരു കൂട്ടം ഡ്രോണുകളും സമ്മാനിച്ചതായി റഷ്യന്‍ സ്റ്റേറ്റ് മീഡിയ ടാസ് റിപ്പോര്‍ട്ട് ചെയ്യുന്നു. ഈ ജാക്കറ്റ് നെഞ്ച്, തോളുകള്‍, കഴുത്ത്, അരക്കെട്ട് എന്നിവയില്‍ സംരക്ഷണം നല്‍കുന്നു.
മറ്റ് സുരക്ഷാ ജാക്കറ്റുകളെ അപേക്ഷിച്ച് ഇത് വളരെ ഭാരം കുറഞ്ഞതാണ്.കൂടാതെ അതേ പ്രദേശത്ത് നിര്‍മ്മിച്ച അഞ്ച് കാമികേസ് ഡ്രോണുകളും ജെറേനിയം -25 എയര്‍ക്രാഫ്റ്റ് ടൈപ്പ് രഹസ്യാന്വേഷണ ഡ്രോണും കിമ്മിന് സമ്മാനിച്ചു.
ഇതുകൂടാതെ, തെര്‍മല്‍ ഇമേജിംഗ് ക്യാമറകള്‍ക്ക് അദൃശ്യമായ ഒരു സെറ്റ് പ്രത്യേക വസ്ത്രങ്ങളും അദ്ദേഹത്തിന് സമ്മാനമായി കൈമാറി.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/jMtuYQ63itfq55SismWo.webp)