ഈദ് ആഘോഷം സംഘടിപ്പിച്ച് ഇന്ത്യന്‍ കമ്മ്യൂണിറ്റി സ്‌കൂള്‍ കുവൈറ്റ്

കുവൈറ്റ് സിറ്റി: ഈദുല്‍ ഫിത്തറിനോട് അനുബന്ധിച്ച് ഇന്ത്യന്‍ കമ്മ്യൂണിറ്റി സ്‌കൂളില്‍ 'ഈദ് പാര്‍ട്ടി 2023' സംഘടിപ്പിച്ചു.

മുനീർ മുഹമ്മദ് ചൊല്ലിയ ഇസ്ലാമിക പ്രാർത്ഥനയോടെയാണ് പരിപാടികൾ ആരംഭിച്ചത്.

ചടങ്ങിന് ആർട്ട് ക്ലബ്ബ് സെക്രട്ടറി വിനോദ് ലക്ഷ്മണൻ സ്വാഗതം ആശംസിച്ചു.

അറബ് ടൈംസ് ചീഫ് എഡിറ്റർ ഹാനി സെയ്ൻ എലാബ്ദന്‍ മുഖ്യാതിഥിയായിരുന്നു.

ഐസിഎസ്കെ വൈസ് ചെയർമാൻ വിനുകുമാർ നായർ, ഐസിഎസ്കെയുടെ പ്രിൻസിപ്പലും സീനിയർ അഡ്മിനിസ്ട്രേറ്ററുമായ ഡോ. വി. ബിനുമോൻ എന്നിവര്‍ അദ്ദേഹത്തെ സ്വാഗതം ചെയ്തു.

ആഘോഷത്തിന്റെ ഭാഗമാകാൻ കഴിഞ്ഞതിലുള്ള സന്തോഷവും ഹാനി സെയ്ൻ എലാബ്ദന്‍ പ്രകടിപ്പിച്ചു.

സംഗീതം, നൃത്തം, വിനോദം തുടങ്ങിയവ ഉള്‍പ്പെടുന്ന സാംസ്കാരിക പരിപാടി ഐസിഎസ്കെയുടെ സ്റ്റാഫ് അവതരിപ്പിച്ചു.

ഉണ്ണികൃഷ്ണൻ, സ്വർണലത എന്നിവർ ഗാനങ്ങള്‍ ആലപിച്ചു.

നിഷാദും സംഘവും അവതരിപ്പിച്ച നൃത്താവിഷ്‌കാരവും ശ്രദ്ധേയമായി.

സുമിത് തോഷ്‌ഖാനിയും സംഘവും സംഗീത പരിപാടി അവതരിപ്പിച്ചു.

ആഘോഷത്തിന്റെ ഭാഗമായി, ട്രസ്റ്റി ബോർഡ് ജീവനക്കാർക്കായി ഒരു 'ആഫ്റ്റർ പാർട്ടി' സംഘടിപ്പിച്ചു. ജീവനക്കാർക്കായി നിരവധി രസകരമായ പ്രവർത്തനങ്ങളും ഗെയിമുകളും സംഘടിപ്പിച്ചു. വിഭവസമൃദ്ധമായ ഭക്ഷണവിതരണവും ഉണ്ടായിരുന്നു.