രാജ്യത്ത് കോവിഡ് കേസുകള്‍ ആശങ്കാജനകം;  52 ശതമാനം വര്‍ധനയെന്ന് ലോകാരോഗ്യ സംഘടന

ന്യൂഡല്‍ഹി: കോവിഡ് കേസുകളിലെ വര്‍ധനവ് ആശങ്കാജനകമെന്ന്   ലോകാരോഗ്യ സംഘടന. ഒരു മാസത്തിനുള്ളില്‍ 850,000 പുതിയ കേസുകള്‍ റിപ്പോര്‍ട്ട് ചെയ്തതായും പുതിയ കോവിഡ് കേസുകളുടെ എണ്ണത്തില്‍ 52 ശതമാനം വര്‍ധന രേഖപ്പെടുത്തിയെന്നും ലോകാരോഗ്യ സംഘടന ചൂണ്ടിക്കാട്ടി. 

28 ദിവസത്തെ അപേക്ഷിച്ച് പുതിയ മരണങ്ങളുടെ എണ്ണം 8 ശതമാണ് കുറഞ്ഞത്. 3,000-ത്തിലധികം പുതിയ മരണങ്ങള്‍ റിപ്പോര്‍ട്ട് ചെയ്യപ്പെട്ടെന്നും ലോകാരോഗ്യ സംഘടന പറഞ്ഞു. 

ഡിസംബര്‍ 17 വരെ ആഗോളതലത്തില്‍ 772 ദശലക്ഷത്തിലധികം സ്ഥിരീകരിച്ച കേസുകളും ഏഴ് ദശലക്ഷത്തോളം മരണങ്ങളും റിപ്പോര്‍ട്ട് ചെയ്യപ്പെട്ടിട്ടുണ്ടെന്നും ആശുപത്രികളില്‍ 118,000 പുതിയ കോവിഡ് 19 കേസുകളും 1600-ലധികം ആളുകളെ തീവ്രപരിചരണ വിഭാഗത്തിലും പ്രവേശിപ്പിച്ചതായുമാണ് ലോകാരോഗ്യ സംഘടനയുടെ കണക്ക്.