ഡല്ഹി: ജീവനക്കാരുടെ പ്രശ്നങ്ങള് പരിഹരിക്കുന്നതില് പരാജയപ്പെട്ടെന്ന് ചൂണ്ടിക്കാട്ടി എയര് ഇന്ത്യ മാനേജ്മെന്റിനെതിരെ രൂക്ഷവിമര്ശനമുയര്ത്തി ഡല്ഹി ലേബര് കമ്മീഷണര്.
വിമാനങ്ങള് റദ്ദാക്കപ്പെടുന്നതിലേക്ക് നയിച്ച ജീവനക്കാരുമായുള്ള തര്ക്കം രൂക്ഷമാകുന്നതിനു ഒരാഴ്ച മുമ്പ് മാനേജ്മെന്റിനെ പ്രതിക്കൂട്ടിലാക്കി ലേബര് കമ്മീഷണര് അയച്ച കത്തിലെ വിവരങ്ങള് പുറത്തുവന്നു.
ജീവനക്കാരുടെ പരാതികള് യാഥാര്ഥ്യമാണെന്നും എയർ ഇന്ത്യ എക്സ്പ്രസ് എച്ച്ആര് ഡിപ്പാര്ട്ട്മെന്റ് അനുരഞ്ജന ചര്ച്ചയ്ക്കുവച്ച ഉദ്യോഗസ്ഥനെ തെറ്റിദ്ധരിപ്പിക്കാന് ശ്രമിച്ചെന്നും കത്തില് ചൂണ്ടിക്കാട്ടുന്നു.