നാമനിർദ്ദേശ പത്രിക പിൻവലിച്ച് ബിജെപിയിൽ ചേർന്ന് ഇൻഡോറിലെ കോൺഗ്രസ് സ്ഥാനാർത്ഥി

ഡൽഹി: ലോക്‌സഭാ തെരഞ്ഞെടുപ്പിലെ കോൺഗ്രസിൻ്റെ ഇൻഡോർ സ്ഥാനാർത്ഥി അക്ഷയ് കാന്തി ബാംബ് തിങ്കളാഴ്ച നാമനിർദ്ദേശ പത്രിക പിൻവലിച്ചു. 

മധ്യപ്രദേശ് മന്ത്രിയും ബിജെപി നേതാവുമായ കൈലാഷ് വിജയവർഗിയ ബാംബിൻ്റെ ചിത്രം പോസ്റ്റ് ചെയ്യുകയും 'പാർട്ടിയിലേക്ക് സ്വാഗതം' എന്ന് എഴുതുകയും ചെയ്തതോടെയാണ് സംഭവവികാസം സ്ഥിരീകരിച്ചത്.

പ്രധാനമന്ത്രി നരേന്ദ്ര മോദി, പാർട്ടി ദേശീയ അധ്യക്ഷൻ ജെ.പി. നദ്ദ, മുഖ്യമന്ത്രി മോഹൻ യാദവ്, സംസ്ഥാന അധ്യക്ഷൻ വി.ഡി. ശർമ എന്നിവരുടെ നേതൃത്വത്തിൽ ഇൻഡോറിലെ കോൺഗ്രസ് സ്ഥാനാർഥി അക്ഷയ് കാന്തി ബാമിനെ ബി.ജെ.പിയിലേക്ക് സ്വാഗതം ചെയ്യുന്നു. എക്‌സ് പോസ്റ്റിൽ കൈലാഷ് വിജയ്വർഗിയ പറഞ്ഞു.

മെയ് 13 ന് വോട്ടെടുപ്പ് നടക്കുന്ന ഇൻഡോർ ലോക്‌സഭാ സീറ്റിൽ സിറ്റിംഗ് എംപി ശങ്കർ ലാൽവാനിനെതിരെ കോൺഗ്രസ അക്ഷയ് കാന്തി ബാംബിനെയാണ് സ്ഥാനാർത്ഥിയാക്കിയത്.

ഒഡീഷയിലെ ലോക്‌സഭാ, നിയമസഭാ തെരഞ്ഞെടുപ്പിന് മുന്നോടിയായി വെള്ളിയാഴ്ച ബിജെഡിയുടെ സോറോ എംഎൽഎ പരശുറാം ധാദ ബിജെപിയിലേക്ക് മടങ്ങി. ആഴ്ചകൾക്ക് മുമ്പ് അദ്ദേഹം പാർട്ടിയിൽ നിന്ന് രാജിവെച്ചിരുന്നു.

നേരത്തെ, ഏപ്രിൽ 27ന് ഡൽഹി സിഖ് ഗുരുദ്വാര മാനേജ്‌മെൻ്റ് കമ്മിറ്റി അംഗങ്ങൾ ഉൾപ്പെടെ നിരവധി സിഖുകാർ ബിജെപിയിൽ ചേർന്നിരുന്നു.