ഡൽഹി: ‘വണ് വെഹിക്കിള് വണ് ഫാസ്ടാഗ്’ പദ്ധതി നടപ്പാക്കാനൊരുങ്ങി ദേശീയപാതാ അതോറിറ്റി. ഇലക്ട്രോണിക് ടോള്പിരിവ് സംവിധാനങ്ങളുടെ കാര്യക്ഷമത ഉറപ്പാക്കാനും തട്ടിപ്പുകള് തടയാനും വേണ്ടിയാണീ സംവിധാനം നടപ്പാക്കുന്നത്.
ഒന്നില്ക്കൂടുതല് ഫാസ്ടാഗുകള് ഒരു വാഹനത്തില് ഉപയോഗിക്കുന്നതും, ഒരു ഫാസ്ടാഗ് ഒന്നിലധികം വാഹനങ്ങളില് ഉപയോഗിക്കുന്നതും പോലുള്ള തട്ടിപ്പുകൾ തടയുന്നതിനാണിത്
ആര്ബിഐ മാനദണ്ഡങ്ങള് അനുസരിച്ച് ഫാസ്ടാഗ് ഉപയോക്താക്കളുടെ കെവൈസി പ്രക്രിയ കൂടുതല് കര്ശനമാക്കുമെന്നാണ് റോഡ് ഗതാഗത മന്ത്രാലയത്തിനുകീഴില് പ്രവര്ത്തിക്കുന്ന ദേശീയപാത അടിസ്ഥാനവികസന സൗകര്യ കോര്പ്പറേഷന് വ്യക്തമാക്കിയത്. കെവൈസി പ്രക്രിയ പൂര്ത്തിയാക്കിയിട്ടില്ലാത്ത ഫാസ്ടാഗുകള് ജനുവരി 31-നുശേഷം പ്രവർത്തനരഹിതമാകും.
ഒരു ഫാസ്റ്റാഗ് ഒന്നിലധികം വാഹനങ്ങളില് ഉപയോഗിക്കുന്നതുപോലുള്ള നടപടികൾ തടയാനാണ് ഇത്തരമൊരു തീരുമാനമെന്നാണ് റിപ്പോർട്ട്. ഇതിനുപുറമെ, കെവൈസി ഇല്ലാതെ ഫാസ്റ്റാഗ് നല്കുന്നതും കണ്ടെത്തിയിട്ടുണ്ട്.
ഇത് റിസര്വ് ബാങ്കിന്റെ നിര്ദേശങ്ങളുടെ ലംഘനത്തിന്റെ പരിധിയിൽപ്പെടും. ഇതുവരെ നല്കിയിട്ടുള്ള ഏഴ് കോടി ഫാസ്റ്റാഗില് നാല് കോടി മാത്രമാണ് ഇപ്പോള് ആക്ടീവായിട്ടുള്ളത്.
ഓണ്ലൈനായി കെവൈസി അപ്ഡേറ്റ് ചെയ്യാംൻ fastag.ihmcl.com എന്ന വെബ്സൈറ്റ് സന്ദര്ശിക്കുക.