ഷിംല: പ്രായപൂർത്തിയാവാത്ത വിദ്യാർത്ഥിനിയെ നിർബന്ധിച്ച് അശ്ലീല വീഡിയോ കാണിക്കുകയും അപമര്യാദയായി പെരുമാറുകയും ചെയ്ത കേസിൽ അധ്യാപകനെതിരെ കേസ്. ഹിമാചൽ പ്രദേശിലെ ജുംഗയിലെ സർക്കാർ സ്കൂളിലായിരുന്നു കേസിനാസ്പദമായ സംഭവം നടന്നത്.
മെയ് രണ്ടിന് ക്ലാസ് കഴിഞ്ഞ ശേഷവും ഇയാൾ ഒമ്പതാം ക്ലാസ് വിദ്യാർത്ഥിയായ കുട്ടിയെ എക്സ്ട്രാ ക്ലാസിനായി സ്കൂളിൽ തുടരാൻ ആവശ്യപ്പെട്ടിരുന്നു. പിന്നാലെ കുട്ടിയെ നിർബന്ധിച്ച് അശ്ലീല വീഡിയോ കാണിക്കുകയും മോശമായി പെരുമാറുകയുമായിരുന്നു. സംഭവത്തിൽ കുട്ടിയുടെ അമ്മ നൽകിയ പരാതിയുടെ അടിസ്ഥാനത്തിലാണ് അധ്യാപകനെതിരെ കേസെടുത്തിരിക്കുന്നത്.
പെൺകുട്ടിയുടെ മൊഴി രേഖപ്പെടുത്തിയ ശേഷം പ്രതിയുടെ അറസ്റ്റ് രേഖപ്പെടുത്തുമെന്ന് പൊലീസ് അറിയിച്ചു.