ശ്രീനഗര്: ജമ്മു കശ്മീരിലെ കുല്ഗാമിലുണ്ടായ ഉണ്ടായ ഏറ്റുമുട്ടലില് മൂന്ന് ഭീകരെ സൈന്യം വധിച്ചു. റെഡ് വാനി മേഖലയില് ഭീകരരുടെ രഹസ്യസാന്നിധ്യമുണ്ടെന്ന വിവരം ലഭിച്ചതിന്റെ അടിസ്ഥാനത്തില് സൈന്യം തിരച്ചില് ഊര്ജിതമാക്കിയിരുന്നു. അതിനിടെയുണ്ടായ ഏറ്റുമുട്ടലിലാണ് സൈന്യം ഭീകരരെ വധിച്ചത്.
മരിച്ചവരെ തിരിച്ചറിഞ്ഞിട്ടില്ല. പ്രദേശത്ത് സുരക്ഷ ശക്തമാക്കിയിട്ടുണ്ട്. കൂടുതല് ഭീകരര് ഒളിച്ചിരിപ്പുണ്ടോയെന്നറിയാന് സൈന്യം തിരച്ചില് തുടരുകയാണ്.
കഴിഞ്ഞ ദിവസം പൂഞ്ചില് സൈനിക വാഹനവ്യൂഹത്തിനുനേരെ ഉണ്ടായ ഭീകരാക്രമണത്തില് ഒരു വ്യോമസേനാ ഉദ്യോഗസ്ഥന് കൊല്ലപ്പെടുകയും 4 പേര്ക്ക് പരുക്കേല്ക്കുകയും ചെയ്തിരുന്നു.