ഛത്തീസ്ഗഡിൽ സുരക്ഷാ ഉദ്യോഗസ്ഥരുമായുള്ള ഏറ്റുമുട്ടലിൽ ഏഴ് മാവോയിസ്റ്റുകൾ കൊല്ലപ്പെട്ടു

ഡൽഹി: ഛത്തീസ്ഗഡിലെ നാരായൺപൂർ ജില്ലയിൽ സുരക്ഷാ സേനയുമായുണ്ടായ ഏറ്റുമുട്ടലിൽ രണ്ട് സ്ത്രീകളടക്കം ഏഴ് മാവോയിസ്റ്റുകൾ ചൊവ്വാഴ്ച കൊല്ലപ്പെട്ടു.

ഏറ്റുമുട്ടൽ നടന്ന സ്ഥലത്ത് നിന്ന് വൻതോതിൽ ആയുധങ്ങളും വെടിക്കോപ്പുകളും എകെ 47 തോക്കുകൾ ഉൾപ്പെടെയുള്ള സ്‌ഫോടക വസ്തുക്കളും കണ്ടെടുത്തിട്ടുണ്ട്.

പ്രദേശത്ത് കൂടുതൽ മാവോയിസ്റ്റ് പ്രവർത്തകർക്കായുള്ള തിരച്ചിൽ തുടരുകയാണെന്ന് അധികൃതർ അറിയിച്ചു.

നാരായൺപൂർ, കാങ്കർ ജില്ലകളുടെ അതിർത്തിയിലുള്ള അബുജ്മദ് മേഖലയിൽ തിങ്കളാഴ്ച സ്പെഷ്യൽ ടാസ്‌ക് ഫോഴ്‌സും ജില്ലാ റിസർവ് ഫോഴ്‌സും സംയുക്ത ഓപ്പറേഷൻ ആരംഭിച്ചു, ചൊവ്വാഴ്ച പുലർച്ചെയാണ് ഏറ്റുമുട്ടൽ നടന്നത്.

ഏഴ് മൃതദേഹങ്ങളും കണ്ടെടുത്തു, ഇപ്പോഴും തിരിച്ചറിയൽ പുരോഗമിക്കുകയാണെന്ന് ഉദ്യോഗസ്ഥർ കൂട്ടിച്ചേർത്തു.