ഡല്ഹി: വയനാട്ടിലെ ഹൈസ്കൂള് മലയാളം അധ്യാപക നിയമനത്തില് വിദ്യാഭ്യാസ വകുപ്പ് പ്രിന്സിപ്പല് സെക്രട്ടറിക്ക് സുപ്രീംകോടതി മുന്നറിയിപ്പ്.
ഈ മാസം പത്താം തീയതിക്കുള്ളില് കോടതി ഉത്തരവ് നടപ്പാക്കിയില്ലെങ്കില് വിദ്യാഭ്യാസ വകുപ്പ് പ്രിന്സിപ്പല് സെക്രട്ടറിയെ ജയിലില് അയക്കുമെന്ന് സുപ്രീം കോടതി വ്യക്തമാക്കി
വിദ്യാഭ്യാസ വകുപ്പ് പ്രിന്സിപ്പല് സെക്രട്ടറി റാണി ജോര്ജ് പ്രഥമദൃഷ്ട്യാ കോടതിയലക്ഷ്യം നടത്തിയെന്നും സുപ്രീം കോടതി നിരീക്ഷിച്ചു.
അധ്യാപക നിയമനവുമായി ബന്ധപ്പെട്ട ഉത്തരവ് മനഃപ്പൂര്വം നടപ്പാക്കിയില്ലെന്ന ആരോപണത്തില് സുപ്രീം കോടതി നേരത്തെ റാണി ജോര്ജിന് കോടതി അലക്ഷ്യ നോട്ടീസ് അയച്ചിരുന്നു.