ടെല്അവീവ്: ഇസ്രയേലില് അല്ജസീറ ചാനല് അടച്ചുപൂട്ടുമെന്ന് പ്രസിഡന്റ് ബെഞ്ചമിന് നെതന്യാഹു. അല് ജസീറയുടെ പ്രവര്ത്തനങ്ങള് അവസാനിപ്പിക്കാനുള്ള തീരുമാനം മന്ത്രിസഭ ഏകകണ്ഠമായാണ് കൈകൊണ്ടത്.
ഗാസയില് യുദ്ധം തുടരുന്ന സാഹചര്യത്തില് ഖത്തര് ടെലിവിഷന് ശൃംഖല ദേശീയ സുരക്ഷയ്ക്ക് ഭീഷണിയാണെന്ന് ചൂണ്ടികാട്ടിയാണ് തീരുമാനം.
ഇസ്രയേലിലെ അല് ജസീറയുടെ ഓഫീസുകള് അടച്ചുപൂട്ടുക, സംപ്രേക്ഷണ ഉപകരണങ്ങള് കണ്ടുകെട്ടുക, കേബിള്, സാറ്റലൈറ്റ് കമ്പനികളില് നിന്ന് ചാനല് വിച്ഛേദിക്കുക, വെബ്സൈറ്റുകള് ബ്ലോക്ക് ചെയ്യുക എന്നിവ ഉള്പ്പെടുന്നതാണ് നടപടിയെന്ന് സര്ക്കാര് പ്രസ്താവനയില് പറഞ്ഞു.