താമരശേരി: കട്ടിപ്പാറ കരിഞ്ചോലയില് കാണാതായ വിദ്യാര്ഥിനിയും യുവാവും തൂങ്ങിമരിച്ച നിലയില്. കരിഞ്ചോല പെരിങ്ങോട് ബിജുവിന്റെ മകള് ദേവനന്ദ, എകരൂല് സ്വദേശിയായ വിഷ്ണു എന്നിവരെയാണ് മരിച്ച നിലയില് കണ്ടെത്തിയത്.
കണ്ണാടിപ്പൊയില് കാപ്പിക്കുന്നിലെ ആള്താമസമില്ലാത്ത വീട്ടിലാണ് മൃതദേഹങ്ങള് കണ്ടെത്തിയത്. മൃതദേഹങ്ങള്ക്ക് ദിവസങ്ങളുടെ പഴക്കമുണ്ടെന്നാണ് നിഗമനം. പ്രദേശത്ത് ദുര്ഗന്ധം വമിച്ചതോടെ നാട്ടുകാര് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്. കഴിഞ്ഞ വെള്ളിയാഴ്ച പുലര്ച്ചെ മുതലാണ് ഇരുവരെയും കാണാതായത്. തുടര്ന്ന് പെണ്കുട്ടിയുടെ പിതാവ് പോലീസില് പരാതി നല്കിയിരുന്നു.