കടുത്ത ക്ഷീണം, ഉന്മേഷക്കുറവ്, ഒന്നും ചെയ്യാന് തോന്നാത്ത അവസ്ഥ, തളര്ച്ച, തലക്കറക്കം തുടങ്ങിയവയൊക്കയാണ് വിളര്ച്ചയുടെ ലക്ഷണങ്ങള്. അനീമിയ തടയുന്നതിനാണ് പ്രധാനമായും ഇരുമ്പ് അടങ്ങിയ ഭക്ഷണങ്ങളാണ് കഴിക്കേണ്ടത്. അയണ് അഥവാ ഇരുമ്പിന്റെ മികച്ച ഉറവിടമാണ് ബീറ്റ്റൂട്ട്. കൂടാതെ വിറ്റാമിനുകൾ, ധാതുക്കൾ എന്നിവയാൽ സമ്പന്നമാണ് ഇവ. ഫോളിക്ക് ആസിഡ്, പൊട്ടാസ്യം, നാരുകള് തുടങ്ങിയവയും ബീറ്റ്റൂട്ടില് ധാരാളം അടങ്ങിയിരിക്കുന്നു.
ഇവ പതിവായി കഴിക്കുന്നത് രക്തത്തിലെ ഹീമോഗ്ലോബിന്റെ അളവ് കൂട്ടാനും വിളര്ച്ചയെ തടയാനും സഹായിക്കും. ഇരുമ്പ്, പൊട്ടാസ്യം, വിറ്റാമിൻ കെ, ബി എന്നിവയുടെ നല്ല ഉറവിടമാണ് ചീര. ചീരയില് ശരീരത്തിൽ ഇരുമ്പിന്റെ ആഗിരണം വർദ്ധിപ്പിക്കുന്ന വിറ്റാമിൻ സിയും അടങ്ങിയിട്ടുണ്ട്. അതിനാല് ചീര പതിവാക്കുന്നതും വിളര്ച്ചയെ തടയാന് സഹായിക്കും.
ഇരുമ്പ് ധാരാളമടങ്ങിയ മുരങ്ങയില ഡയറ്റില് ഉള്പ്പെടുത്തുന്നത് വിളര്ച്ചയെ തടയാന് സഹായിക്കും. ശരീരത്തിന്റെ മൊത്തം ആരോഗ്യത്തിനും ഇവ നല്ലതാണ്. ഇരുമ്പ് ധാരാളം അടങ്ങിയ പാവയ്ക്കയില് പൊട്ടാസ്യം, വിറ്റാമിന് സി, മഗ്നീഷ്യം, ഫോളേറ്റ്, സിങ്ക്, ഫോസ്ഫറസ്, മാംഗനീസ്, നാരുകൾ, കാത്സ്യം എന്നിവയും അടങ്ങിയിട്ടുണ്ട്. അതിനാല് പാവയ്ക്കയും പതിവായി ഡയറ്റില് ഉള്പ്പെടുത്താം.
കാത്സ്യം, ഇരുമ്പ്, അന്നജം, നാരുകള് എന്നിവ മാതളത്തില് ധാരാളമായി അടങ്ങിയിട്ടുണ്ട്. മാതളത്തില് അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിന്റെ ആഗിരണം വർധിപ്പിച്ച് വിളർച്ചയെ തടയുന്നു. ഇരുമ്പ് അടങ്ങിയ ഈന്തപ്പഴവും വിളര്ച്ചയെ തടയാന് സഹായിക്കും.