തിരുവനന്തപുരം: നിയമസഭ കൈയാങ്കളി കേസില് മന്ത്രിമാരായ ഇ.പി. ജയരാജിനും കെ.ടി. ജലീലിനും ജാമ്യം. തിരുവനന്തപുരം സിജെഎം കോടതിയാണ് ഇവര്ക്ക് ജാമ്യം അനുവദിച്ചത്.
കേസിലെ മറ്റ് പ്രതികളായ വി. ശിവന്കുട്ടി, കെ. അജിത്ത്, കെ. കുഞ്ഞഹമ്മദ്, സി.കെ. സദാശിവന് എന്നിവര് വിടുതല് ഹര്ജി ഫയല് ചെയ്തു. നവംബര് 12ന് കോടതി കേസ് വീണ്ടും പരിഗണിക്കും.
നേരത്തെ, കേസിലെ വിചാരണ സ്റ്റേ ചെയ്യണമെന്ന സര്ക്കാര് ആവശ്യം തള്ളിയ ഹൈക്കോടതി പ്രതികളോട് വിചാരണ കോടതിയില് ഹാജരാകാന് നിര്ദേശിച്ചിരുന്നു.
2015 മാര്ച്ച് 13ന് അന്ന് ധനമന്ത്രിയായിരുന്ന കെ.എം. മാണി ബജറ്റ് അവതരിപ്പിക്കുന്നതിനെതിരേ
നിയമസഭയില് എല്ഡിഎഫ് അംഗങ്ങള് പ്രതിഷേധമാണ് കൈയാങ്കളിയിലും സംഘര്ഷത്തിലും കലാശിച്ചത്.