പപ്പുമോൻ കസറിട്ടോ … ! 55 ഇഞ്ച് നെഞ്ച് വീതിയുള്ള മോഡിജിക്കിട്ടും നിഴലായ അമിട്ട് ഷാജിക്കിട്ടും കൊടുത്തത് ഇന്റർനാഷണൽ പൂഴിക്കടകൻ !!

ദാസനും വിജയനും
Friday, July 20, 2018

പപ്പുമോൻ കസറി , സോഷ്യൽ മീഡിയയിൽ ഏറ്റവും കൂടുതൽ ആക്രമണം നേരിട്ട പപ്പുമോൻ തന്റെ നിശ്ശബ്ദതയെ കാറ്റിൽ പറത്തിക്കൊണ്ട് 55 ഇഞ്ച് നെഞ്ച് വീതിയുള്ള മോഡിയണ്ണനേയും അദ്ദേഹത്തിന്റെ നിഴലായ അമിട്ട് ഷാജിയേയും ഒരു ഇന്റർനാഷണൽ പൂഴിക്കടകൻ പ്രയോഗിച്ചുകൊണ്ട് നിലം പരിശാക്കിയപ്പോൾ സ്പീക്കർ സുമിത്ര മഹാജൻ വരെ ഉള്ളുകൊണ്ട് സന്തോഷിച്ചു .

എന്തൂട്ടാ നമ്മുടെ പപ്പുമോൻ കുറച്ചുനേരം കൊണ്ട് കാട്ടിക്കൂട്ടിയത്. ജയിച്ചു ജയിച്ചു കയറുന്നവർക്ക് ഉൾക്കൊള്ളുവാൻ ആകാത്തവിധം കാര്യങ്ങൾ മാറി മറിയുമ്പോൾ 2019 തിരഞ്ഞെടുപ്പ് ലോകത്തിന്റെ മുന്നിൽ തന്നെ ഒരു മഹാസംഭവമായി മാറിയേക്കാം ..

അർണാബ് ഗോസാമിമാരും രാജീവ് ചന്ദ്രശേഖർമാരും സുബ്രമഹ്ണ്യം സ്വാമിമാരും കുറച്ചു നേരമെങ്കിലും തലയിൽ കൈവെച്ച് ഇരുന്നുകാണും , അല്ലെങ്കിൽ ഇങ്ങനെയുണ്ടോ ഒരു പെർഫോമൻസ് .

അല്ലെങ്കിലും അധികം വായ ഇട്ടടിക്കാത്തവരെയും നിശബ്‍ദമായിരിക്കുന്നവരെയും എന്നെന്നും സൂക്ഷിക്കണം എന്ന് കാരണവന്മാർ പറയാറുണ്ട്.

ശരിക്കും പറഞ്ഞാൽ കുരക്കും പട്ടി കടിക്കില്ല എന്നത് തന്നെ ഉത്തമോദാഹരണം . നമ്മുടെ ഇന്ത്യയിൽ ഇന്ന് ഇല്ലാത്തത് പ്രായോഗികമായ രാഷ്ട്രീയ പ്രവർത്തകരോ നേതാക്കന്മാരോ അതുപോലെ മന്ത്രിമാരോ ആണ് .

ഓരോരുത്തന്മാർ എന്തെങ്കിലും സർക്കസ്സുകൾ കാണിച്ചുകൊണ്ട് വിജയിച്ചുവരുന്നു , അതിൽ കയ്യൂക്കുള്ളവൻ കാര്യക്കാരനാകുന്നു . ഇപ്പോൾ ഭരിക്കുന്ന കേന്ദ്രത്തിലായാലും സംസ്ഥാനങ്ങളിൽ ആയാലും അർഹതയുള്ള ഒരാളും മന്ത്രി സ്ഥാനങ്ങളിൽ ഇല്ല എന്നതാണ് നമ്മുടെ നാടിന്റെ ഗതികേട് .

കേരളം വിട്ട് പുറം ലോകം കാണാത്തവർ അല്ലെങ്കിൽ ഇന്ത്യ വിട്ട് മറ്റു രാജ്യങ്ങളുടെ പേരുകൾ വരെ അറിയാത്തവർ ടൂറിസം വികസന മന്ത്രിയാകുന്നു .കൃഷിയിടം നികത്തി വീട്‌വെക്കുന്നവർ കൃഷിവകുപ്പ് മന്ത്രിയാകുന്നു .

ഭാഷയറിയാത്തവർ വിദേശകാര്യ മന്ത്രിസ്ഥാനം അലങ്കരിക്കുന്നു . നിയമം കയ്യിലെടുക്കുന്നവർ നിയമ മന്ത്രിയാകുന്നു . ഇതിനൊക്കെ ഒരു മാനദണ്ഡം കൊണ്ടുവരണം , മന്ത്രിയാകുവാൻ ജയിച്ചാൽ മാത്രംപോരാ , ഒരു മിനിമം യോഗ്യത തീർച്ചയായും വേണം .

ഇത്രേം വിവരോം വിദ്യഭ്യാസോം ഉള്ള കേരളത്തിൽ ആയാലും കച്ചവടക്കാരുടെ മുംബയിൽ ആയാലും തറവാടികളുടെ ഡൽഹിയിൽ ആയാലും
ഭരിക്കുന്നവർ ഒന്നിനും കൊള്ളാത്തവർ തന്നെയെന്ന് അവരവരുടെ പ്രവർത്തികളിൽ നിന്നും മനസ്സിലാക്കാവുന്നതാണ് .

ബംഗാളിൽ ഇടതുപക്ഷം നാൽപ്പത് കൊല്ലം ഭരിച്ചപ്പോൾ ആ പാവങ്ങൾ നൂറ്റാണ്ടുകൾ പിന്നിലോട്ട് പോയി . കേരളത്തിൽ ഇടതും വലതും മാറി മാറി ഭരിച്ചിട്ടും ഒരു മഴപെയ്താൽ റോഡിൽ വഞ്ചിയിറക്കേണ്ടിവരുന്നത് ഭരണക്കാരുടെ കെടുകാര്യസ്ഥത ഒന്ന് കൊണ്ട് മാത്രമാണ് .

പ്രകൃതിയുമായി യാതൊരു പുല ബന്ധം പോലുമില്ലാത്ത മുഖ്യമന്ത്രിയും മറ്റുള്ള പോങ്ങന്മാരായ മന്ത്രിമാരും . ഒരാൾ വീടുപണിയുമ്പോൾ പാലിക്കേണ്ട ചില മാനദണ്ഡങ്ങൾ , മഴവെള്ളത്തെ കെട്ടി നിർത്തുവാനും അതുപോലെ ഭൂമിയിലേക്ക് ഇറങ്ങുവാനുള്ള അവസരം ഒരുക്കിക്കൊടുക്കാതെ , എല്ലാവരും വെള്ളം റോഡിലേക്ക് തിരിച്ചുവിടുമ്പോൾ ഇനിയും ഭയാനകമായ വെള്ളപ്പൊക്കങ്ങൾ പ്രതീക്ഷിക്കാം .

പ്രകൃതി നിയമങ്ങൾ പാലിക്കുവാൻ നമ്മുക്ക് ഒരു മന്ത്രിയുണ്ടോ ?ഒരു വകുപ്പുണ്ടോ ?ഉദ്യോഗസ്ഥർ ഉണ്ടോ ? മന്ത്രിമാർക്ക് അതേക്കുറിച്ചു ജ്ഞാനം ഇല്ലെങ്കിൽ അതിനുപറ്റിയ എത്രെയോ നല്ല കൺസൾട്ടിങ് ഏജൻസികൾ നമ്മുടെ നാട്ടിലുണ്ട് , നമ്മൾ അവിടെയും രാഷ്ട്രീയം കാണും .

ഇതിനു മുൻപ് പ്രതിപാദിച്ചതുപോലെ കേരളത്തിന്റെ മുഖ്യമന്ത്രിയാകുവാൻ ഏറ്റവും യോഗ്യത ശ്രീ ശശി തരൂരിനെപ്പോലുള്ള ആളുകൾക്കാണ് , അല്ലാതെ വെട്ടും കുത്തും അരിയലുമൊക്കെയായി നടന്നിരുന്ന കുറെയധികം വിവരദോഷികൾക്കല്ല .

കേന്ദ്രത്തിൽ നമ്മുടെ അദ്വാനിജിയിലെപോലെ ഒരു തലതൊട്ടപ്പനെ പ്രസിഡണ്ട് പദത്തിൽ ഇരുത്തി രാഹുൽഗാന്ധിയെപ്പോലെ ദീർഘവീക്ഷണമുള്ള ( ലോക്സഭയിൽ മോദിജിയെ കെട്ടിപ്പിടിച്ചപ്പോൾ തോന്നിയത് ) ഒരാൾ പ്രധാനമന്ത്രിയായി .

രാജസ്ഥാനിൽ രാജേഷ് പൈലറ്റും മധ്യപ്രദേശത്തിൽ ജ്യോതിരാദിത്യ സിന്ധ്യയും യുപിയിൽ അഖിലേഷ് യാദവും കേരളത്തിൽ ശശി തരൂരും മഹാരാഷ്ട്രയിൽ സച്ചിൻ തെണ്ടുൽക്കറും കാശ്മീരിൽ ഒമർ അബ്ദുള്ളയും ഗുജറാത്തിൽ ഹർദിക് പട്ടേലും ബംഗാളിൽ മമതയും ആന്ധ്രയിൽ ജഗൻമോഹൻ റെഡ്ഢിയും തമിഴ്‌നാട്ടിൽ രജനികാന്തും കർണ്ണാടകത്തിൽ ഡി കെ ശിവകുമാര്‍ , ബീഹാറിൽ തേജ് പ്രസാദ് യാദവും ഒക്കെ മുഖ്യമന്ത്രിമാരായി വരുന്നത് ഓർക്കുമ്പോൾ ഇന്ത്യയുടെ ഒരു നല്ല ഭാവിയെ ഓർത്ത് സന്തോഷിക്കാം .

കുറച്ചൊക്കെ അഴിമതിയാകാം , മൊത്തം വിഴുങ്ങാതിരുന്നാൽ മതി . കമ്മീഷനും കൺസൾട്ടൻസി ഫീസും ഒക്കെ നാട്ടുനടപ്പുകളാണ് .

ഇനിയെങ്കിലും ഒന്നും കണ്ണടച്ച് വിശ്വസിക്കാതെ, ആൾക്കൂട്ട കൊലപാതകങ്ങൾ ഇല്ലാത്ത ഒരു ഇന്ത്യക്ക് വേണ്ടി , ബാലിക പീഡനങ്ങൾ നടക്കാത്ത ഒരു ഇന്ത്യക്കു വേണ്ടി , അസഹിഷ്ണുതയില്ലാത്ത ഒരിന്ത്യക്കായി നമ്മുക്ക് കൈകോർക്കാം ,,,

ലോക്സഭയിൽ കടന്നുകയറി പ്രധാനമന്ത്രിയെ കെട്ടിപ്പിടിച്ച ശേഷം ദാസനും അസൂയ മൂത്ത വിജയനും

×