റെസ്റ്റോറന്റ്‌ ഓണേഴ്‌സ് അസോസിയേഷൻ കുവൈത്ത്‌ ഇഫ്താർ സംഗമം സംഘടിപ്പിച്ചു

കുവൈത്ത് സിറ്റി: കുവൈത്തിലെ മലയാളി റെസ്റ്റോറന്റ്‌ ഉടമകളുടെ കൂട്ടായ്മയായ റെസ്റ്റോറന്റ്‌ ഓണേഴ്‌സ് അസോസിയേഷൻ ഇഫ്താർ സംഗമം സംഘടിപ്പിച്ചു. ഖൈതാൻ രാജധാനി പാലസ് റെസ്റ്റാറന്റിൽ വെച്ച് നടന്ന ഇഫ്താർ സംഗമം ഡോക്ടർ അമീർ അഹ്മദ് ഉദ്ഘാടനം ചെയ്തു . ഷംസുദ്ദിൻ ഫൈസി റമദാൻ സന്ദേശം നൽകി. ശമ്മാസ് ഖിറാഅത്ത്‌ നടത്തി

പ്രസിഡന്റ് ഷബീർ മണ്ടോളി അധ്യക്ഷത വഹിച്ചു . റോക് ചെയർമാൻ അബു കോട്ടയിൽ , ശരീഫ് പി ടി (കെ ഐ ജി ) , മുഹമ്മദ് റാഫി നന്തി (എം ഇ എസ് ), അഫ്സൽ ഖാൻ (മലബാർ ഗോൾഡ് ), റഫീഖ് (മംഗോ ഹൈപ്പർ), അസീസ് തിക്കോടി എന്നിവർ സംസാരിച്ചു . 

ഇബ്രാഹിം കുന്നിൽ (കെ കെ എം എ ), ഹാഫിള് മുഹമ്മദ് അസ്‌ലം (കെ കെ ഐ സി ), അബൂബക്കർ സിദ്ദിഖ് മദനി (ഐ ഐ സി), അബ്ദുൽ ഹമീദ് കൊടുവള്ളി (ഹുദാ സെന്റർ), മഹമൂദ് അപ്സര എന്നിവർ സന്നിഹിതരായിരുന്നു 

പ്രോഗ്രാം കൺവീനർ സുബൈർ ഇ സി , മുഹമ്മദ് ഹയ , ഷാനവാസ് ഹൈതം , റഹീം എൻ കെ , റുഹൈൽ വി പി ,ഷാഫി മഫാസ് , ജ്യോതിഷ് , നസീർ എൻ കെ , ബി കെ മജീദ് എന്നിവർ പരിപാടിക്ക് നേതൃത്വം നൽകി. ജനറൽ സെക്രട്ടറി കമറുദ്ദിൻ സ്വാഗതവും , ട്രെഷറർ നജീബ് പി വി നന്ദിയും പറഞ്ഞു .