ന്യു യോർക്ക്: വെസ്റ്റ്ചെസ്റ്റര് അയ്യപ്പസ്വാമി ക്ഷേത്രത്തിന്റെ ആഭിമുഖ്യത്തില് മകരവിളക്ക് മഹോത്സവം ഭക്തി നിര്ഭരമായി ജനുവരി 14 ഞയറാഴ്ച ആഘോഷിക്കുന്നു .
മാലയിട്ട് വ്രതം നോറ്റ്, ശരീരവും മനസും അയ്യപ്പനിലര്പ്പിച്ച്, ഇരുമുടിയേന്തിയ അയ്യപ്പന്മാർ ക്ഷേത്രത്തിലെത്തി ദര്ശന പുണ്യം നേടുന്ന നിമിഷങ്ങള്. വ്രതാനുഷ്ട്ടനങ്ങളിലൂടെ ആത്മ ശുദ്ധികരണത്തിന്റെ പവിത്രമായ നാളുകള്ക്കു വിരാമമിട്ടുകൊണ്ട് , അവനവനിലെ ദൈവികതയെ സ്ഫുടം ചെയ്തെടുക്കുന്ന നിമിഷങ്ങൾ. ശരണഘോഷമുഖരിതമായ ഈ അന്തരീഷത്തിലേക്ക് ഓരോ അയ്യപ്പ ഭക്തനേയും സ്വാഗതം ചെയ്യുകയാണ്.
ശരണം വിളികളുടെയും പൂജകളുടെയും അന്തരീക്ഷത്തില് അയ്യപ്പതൃപ്പാദങ്ങളില് സാഷ്ടാംഗം നമസ്കരിക്കാനുമുള്ള വേദിയാകുയാണ് അയ്യപ്പസ്വാമി ക്ഷേത്രം. മകരവിളക്കിന്റെ സുകൃതം നുകരാന് അവസരമൊരുക്കി നിങ്ങളെ ഏവരെയും ക്ഷേത്രത്തിലേക്ക് സ്വാഗതം ചെയ്യുന്നു.