തനിമ കുവൈത്ത് 20 ആം വാർഷികത്തിൽ സമർപ്പണത്തിന്റെ സന്ദേശം നൽകികൊണ്ട് വിഷുത്തനിമ സംഘടിപ്പിച്ചു

കുവൈത്ത്: സാംസ്കാരിക സാമൂഹിക സംഘടനയായ തനിമ കുവൈത്ത് 20-ആം വാഷികവും വിഷുത്തനിമയും സംഘടിപ്പിച്ചു.

വിഷുത്തനിമ കൺവീനർ സംഗീത് സോമനാഥ്‌ അധ്യക്ഷനായ ചടങ്ങിന് ജോയിന്റ് കൺവീനർ സോണി വിക്ടർ സ്വാഗതം ആശംസിച്ചു.

തനിമ ജോയിന്റ് കൺവീനർ  വിജേഷ് വേലായുധൻ ആമുഖപ്രസംഗം നടത്തി. തുടർന്ന് ബാബുജി ബത്തേരി,  ജേക്കബ് വർഗീസ് ,  ദിലീപ് ഡി. കെ, ബിനു കെ എന്നിവർ വിഷുത്തനിമയുടെയും മാക്ബത്ത് നാടകദിനങ്ങളുടെയും ഓർമ്മകൾ പങ്കുവെച്ചു.

അംഗങ്ങൾ ഒരുക്കിയ വിഷുക്കണിയും വിഷുസദ്യയും കൊണ്ട് വ്യത്യസ്‍തമായ ചടങ്ങിൽ ത നിമയുടെ 20-ആം വാർഷികം കേക്ക് മുറിച്ച് ആഘോഷിച്ചു.

ഇരുപത് വർഷക്കാലയളവിൽ  പ്രവാസി സമൂഹത്തിൽ വ്യത്യസ്‍തവും അർത്ഥവത്തായതും ആയ പ്രവർത്തനങ്ങൾ കൊണ്ട് ശ്രദ്ധേയമായ തനിമയുടെ അംഗങ്ങളുടെ ആത്മസമർപണത്തിനും സന്മനസുകളുടെ പിന്തുണയ്ക്കും വിജേഷ് വേലായുധൻ നന്ദി അറിയിച്ചു,