റഫാല്‍ അഴിമതി; അന്വേഷണം ആവശ്യപ്പെട്ട് കോൺഗ്രസ്

ദില്ലി: റഫാൽ അഴിമതി ആരോപണത്തിൽ അന്വേഷണം ആവശ്യപ്പെട്ട് കോൺഗ്രസ് കേന്ദ്ര വിജിലൻസ് കമ്മിഷന് മുന്നിലേയ്ക്ക്. മുതിർന്ന നേതാക്കൾ ഇന്ന് കമ്മിഷനെ കാണും. ഉച്ചയ്ക്ക് ഒരു മണിക്കാണ് കേന്ദ്ര വിജിലൻസ് കമ്മീഷനെ കാണുന്നത്. പരിശോധന നടത്തണമെന്നാവശ്യപ്പെട്ട് നേരത്തേ സി.എ.ജിയെ കോൺഗ്രസ് സമീപിച്ചിരുന്നു.

റിലയൻസിനെ പങ്കാളിയാക്കണമെന്ന് നിർദ്ദേശിച്ചത് കേന്ദ്ര സർക്കാരാണെന്ന മുൻ ഫ്രഞ്ച് പ്രസിഡന്റിന്റെ വെളിപ്പെടുത്തലിന് പിന്നാലെ മോദിക്കെതിരായ ആക്രമണം ശക്തമാക്കിയ സാഹചര്യത്തിലാണ് കൺഗ്രസ് നീക്കം. കോൺഗ്രസ് പ്രചാരണ സമിതി യോഗവും ഇന്ന് ദില്ലിയിൽ ചേരും. അഴിമതി, വായ്പാ തട്ടിപ്പ് വിഷയങ്ങളിൽ രാജ്യവ്യാപക പ്രചാരണത്തിനാണ് കോൺഗ്രസ് തയ്യാറെടുക്കുന്നത്