വിചിത്ര മുഖമായതിനാല്‍ നാട്ടില്‍ നിന്നും പ്രദേശവാസികള്‍ തുരത്തിയോടിക്കും; കാട്ടില്‍ പോയി പുല്ലു തിന്ന് വിശപ്പകറ്റും; ഒടുവില്‍ 'ജീവിച്ചിരിക്കുന്ന മൗഗ്ലി'യെ സഹായിക്കാന്‍ ജനങ്ങള്‍ മുന്നോട്ട്‌

സൻസിമാൻ എല്ലി എന്ന ഈ യുവാവിനെ ‘ജീവിച്ചിരിക്കുന്ന മൗഗ്ലി’ എന്നാണ് വിശേഷിപ്പിക്കുന്നത്. കാരണം എല്ലി കൂടുതൽ സമയവും ചിലവഴിക്കുന്നത് വനത്തിനുള്ളിലാണ്. മൈക്രോസിഫാലി എന്ന ശാരീരിക വെല്ലുവിളി നേരിടുന്ന എല്ലിയുടെ രൂപം വിചിത്രമാണ്. പ്രദേശവാസികൾ ഇയാളെ നാട്ടിൽ നിന്നും തുരത്തുക പതിവായിരുന്നു.

അവന്റെ മുഖം ഇങ്ങനെയായതിനാൽ നാട്ടുകാർ അവനെ പലപ്പോളും അധിക്ഷേപിക്കുകയും ആട്ടിയകറ്റുകയും ചെയ്തിരുന്നു. എല്ലി സ്കൂളിലൊന്നും പോയിട്ടുമില്ല.ഭക്ഷണത്തിനുപോലും വകയില്ലാത്ത കുടുംബമാണ്. കാട്ടിൽ പോയി പുല്ലും മറ്റും ഭക്ഷിച്ചാണ് എല്ലി ജീവിക്കുന്നത്.

സാധാരണ മനുഷ്യരെക്കാൾ ചെറിയ തലയാണ് എല്ലിയുടേത്. സംസാരിക്കാനും കേൾക്കാനും ബുദ്ധിമുട്ടുണ്ട് – വിചിത്ര രൂപത്തിന്റെ പേരിൽ നാട്ടുകാർ ആക്ഷേപിച്ച 21 കാരനായി ജനങ്ങൾ ഒന്നടങ്കം മുന്നോട്ട് വരുന്നു .

പ്രാദേശിക മാദ്ധ്യമം വാർത്ത നൽകിയതോടെയാണ് എല്ലിയുടെ കഥ പുറംലോകം അറിയുന്നത്. ഈ മാദ്ധ്യമം തന്നെയാണ് ധനശേഖരണം നടത്തി എല്ലിയെ സഹായിക്കാനായി രംഗത്തെത്തിയിരിക്കുന്നത്.