കൊളംബോ: ഏഷ്യ കപ്പ് ക്രിക്കറ്റ് സൂപ്പർ ഫോറിലെ അവസാന മത്സരത്തിൽ ബംഗ്ലാദേശിന് ജയം. ഇന്ത്യക്കെതിരേ ആറ് റൺസിനാണ് ബംഗ്ലാദേശിന്റെ ജയം. സെഞ്ചുറി നേടിയ ശുഭ്മാൻ ഗില്ലിന്റെയും (121) അക്സർ പട്ടേലിന്റെയും (42) പ്രകടനം വിജയത്തിലെത്തിച്ചില്ല.
സ്കോർ: ബംഗ്ലാദേശ് 50 ഓവറിൽ 265/8. ഇന്ത്യ 49.5 ഓവറിൽ 259. ഞായറാഴ്ച ഇന്ത്യയും ശ്രീലങ്കയും തമ്മിൽ ഫൈനൽ അരങ്ങേറും.
ഷക്കീബ് 85 പന്തിൽ 80ഉം ഹ്രിദോയ് 81 പന്തിൽ 54ഉം റണ്സ് നേടി. വാലറ്റത്ത് നസും അഹമ്മദ് (45 പന്തിൽ 44), മെഹെദി ഹസൻ (23 പന്തിൽ 29 നോട്ടൗട്ട്), തൻസിം ഹസൻ ഷകീബ് (എട്ട് പന്തിൽ 14 നോട്ടൗട്ട്) എന്നിവർ നടത്തിയ ചെറുത്തുനിൽപ്പ് ബംഗ്ലാദേശിന്റെ സ്കോർ 265ൽ എത്തിച്ചു.
ഇന്ത്യക്കായി ഷാർദുൾ ഠാക്കൂർ മൂന്നും മുഹമ്മദ് ഷമി രണ്ടും വിക്കറ്റ് വീതം വീഴ്ത്തി