ഹാങ്ചോ: ഏഷ്യൻ ഗെയിംസ് ഫുട്ബോൾ പ്രീ ക്വാർട്ടറിൽ സൗദി അറേബ്യയോടു പരാജയപ്പെട്ട് ഇന്ത്യ പുറത്ത്. എതിരില്ലാത്ത രണ്ടു ഗോളുകൾക്കാണ് ഇന്ത്യയുടെ തോൽവി.
ആദ്യ പകുതിയിൽ പൊരുതിയെങ്കിലും രണ്ടാം പകുതിയില് രണ്ടു ഗോളുകൾ നേടി സൗദി വളരെ വേഗം മുന്നേറുകയായിരുന്നു. മുഹമ്മദ് ഖലില് മരാനാണ് സൗദിക്കായി രണ്ടു ഗോളുകളും നേടിയത്.
ഇന്ത്യ ചൈനയ്ക്കെതിരെ ആദ്യ മത്സരത്തിൽ 5-1ന് തോറ്റിരുന്നു. രണ്ടാം മത്സരത്തില് ബംഗ്ലദേശിനെ എതിരില്ലാത്ത ഒരു ഗോളിന് വീഴ്ത്തി. മൂന്നാം മത്സരത്തില് മ്യാന്മറിനെതിരെ 1–1 സമനിലയിൽ കുരുങ്ങിയെങ്കിലും കൂടുതല് ഗോളടിച്ചതിന്റെ ആനുകൂല്യത്തിലാണ് പ്രീ ക്വാര്ട്ടറിലെത്തിയത്.