പാകിസ്താന്റെ മുൻ നായകനായ ഷാഹിദ് അഫ്രീദിയുടെ പ്രകോപനപരമായ പെരുമാറ്റം പലപ്പോഴും വാര്ത്തകളില് ഇടംപിടിച്ചിരുന്നു. ഇത്തരത്തിലുള്ള അഫ്രീദിയുടെ പെരുമാറ്റം വീണ്ടും ചര്ച്ചയാവുകയാണ്.
പാകിസ്താൻ സൂപ്പർ ലീഗിൽ കറാച്ചി കിങ്സ് മുൽതാൻ സുൽതാൻസ് മത്സരത്തിനിടെ അഫ്രീദി മുൽതാൻ ടീമിന്റെ താരവും 19 വയസ്സുകാരനുമായ ബദറിനെ പുറത്താക്കിയ സമയത്ത് ഡ്രസ്സിങ് റൂമിലേക്കുള്ള വഴി കാണിച്ച് പുറത്തു പോവാൻ ബദറിനോട് ആവശ്യപ്പെടുകയായിരുന്നു.
എന്നാൽ അഫ്രീദിയുടെ പെരുമാറ്റത്തിൽ യുവതാരം ബദർ ട്വിറ്ററില് ഒരു പോസ്റ്റ് ഇട്ടു. താങ്കളെ ഇപ്പോഴും ഇഷ്ടമാണെന്നാണ് ബദർ ട്വിറ്ററിൽ പോസ്റ്റ് ചെയ്തത്. ഇതിന് മറുപടിയായി അഫ്രീദി ബദറിനോട് ക്ഷമാപണം നടത്തുകയും ചെയ്തു.