ദോഹ: ഇന്ത്യയുടെ ഏഷ്യൻ കപ്പിലെ പ്രീക്വാർട്ടർ മോഹങ്ങൾക്ക് വിരാമമിട്ട് സിറിയ. ഏകപക്ഷീയമായ ഒരു ഗോളിനാണ് സിറിയയുടെ ജയം. രണ്ടാം പകുതിയിൽ പകരക്കാരനായി ഇറങ്ങിയ ഒമർ ഖിബ്രിനാണ് സിറിയയുടെ വിജയ ഗോൾ സ്വന്തമാക്കിയത്.
മത്സരത്തിലുടനീളം ലഭിച്ച അവസരങ്ങൾ പാഴാക്കുന്നതിനാണ് ഇന്ത്യൻ താരങ്ങൾ ശ്രമിച്ചത്. പ്രതിരോധ നിരയുടെ അമരക്കാരനായിരുന്ന സന്ദേശ് ജിങ്കൻ രണ്ടാം പകുതിയുടെ തുടക്കത്തിൽ തന്നെ കളം ഒഴിഞ്ഞത് ഇന്ത്യക്ക് തിരിച്ചടിയായി.
ഏഷ്യൻ കപ്പ് ഗ്രൂപ്പ് ഘട്ടത്തിലെ മൂന്ന് മത്സരങ്ങളിലും തോൽവി ഏറ്റുവാങ്ങിയ ഇന്ത്യയുടെ പ്രീക്വാർട്ടർ പ്രതീക്ഷകൾ ഇതോടെ അസ്തമിച്ചു.
ആദ്യ മത്സരത്തിൽ ഓസ്ട്രേലിയയോടും(2-0), ഉസ്ബെകിസ്ഥാനോട്(3-0) തോറ്റാണ് ഇന്ത്യ മടങ്ങുന്നത്.