കൊച്ചി: ഐഎസ്എല്ലിൽ ഏകപക്ഷീയമായ ഒരു ഗോളിന് ഹൈദരാബാദ് എഫ്സിയെ വീഴ്ത്തി കേരള ബ്ലാസ്റ്റേഴ്സ്. കളിയുടെ 41-ാം മിനിറ്റിൽ മിലോസ് ഡ്രിൻസിച്ചാണ് വിജയ ഗോൾ നേടിയത്.
സസ്പെൻഷൻ കഴിഞ്ഞ് മടങ്ങിയെത്തിയ ഡ്രിൻസിച്ചിന് കളിയുടെ 52 -ാം മിനിറ്റിൽ മറ്റൊരു ഗോളവസരം കിട്ടിയയെങ്കിലും ഗോൾ ആയില്ല.
ഇൻജ്വറി സമയത്തിന്റെ അവസാന മിനിറ്റിൽ ഹൈദരാബാദിന് കിട്ടിയ മികച്ച അവസരം ബ്ലാസ്റ്റേഴ്സിന്റെ മലയാളി ഗോളി സച്ചിൻ സുരേഷ് തടുത്തു. ജയത്തോടെ 16 പോയിന്റുമായി ബ്ലാസ്റ്റേഴ്സ് പോയിന്റ് പട്ടികയിൽ വീണ്ടും ഒന്നാമതെത്തി.