ഡൽഹി: പഞ്ചാബ് എഫ്സിക്കെതിരെ ബ്ലാസ്റ്റേഴ്സിന് വിജയം. ഏകപക്ഷീയമായ ഒരു ഗോളിനാണ് ബ്ലാസ്റ്റേഴ്സ് ജയിച്ചത്.
കളിയുടെ അമ്പത്തി ഒന്നാം മിനിറ്റിൽ ലഭിച്ച പെനാൽറ്റിയിലൂടെ ദിമിത്രി ഡയമെന്റക്കോസാണ് വിജയ ഗോൾ നേടിയത്. ആദ്യ പകുതിയിൽ മികവ് കാട്ടാനായില്ലെങ്കിലും ഇടവേള കഴിഞ്ഞെത്തിയ ബ്ലാസ്റ്റേഴ്സ്, പഞ്ചാബിനെ വിറപ്പിച്ചു.
കളിയുടെ അവസാന മിനിറ്റുകളിൽ പഞ്ചാബ് കേരളത്തെ വിറപ്പിച്ചെങ്കിലും ഗോൾ മാത്രം നേടാനായില്ല.
വിജയത്തോടെ 20 പോയിന്റുമായി എഫ്സി ഗോവയ്ക്കൊപ്പം എത്തിയെങ്കിലും ബ്ലാസ്റ്റേഴ്സ് പോയിന്റ് പട്ടികയിൽ രണ്ടാമതാണ്.