സമീപത്തുള്ള ഉപകരണങ്ങള് തിരിച്ചറിയുന്നതിനു പുറമേ, സിസ്റ്റം ഫയലുകളും ഫോണിന്റെ ഫോട്ടോ ഗാലറിയും ആക്സസ് ചെയ്യാന് വാട്ട്സാപ്പിന് അനുമതി നൽകേണ്ടതുണ്ട്. ഷെയര് ചെയ്യപ്പേടേണ്ട ഉപകരണങ്ങള് കണക്റ്റ് ചെയ്യാന് കഴിയുന്നത്ര അടുത്താണോ എന്ന് നിര്ണ്ണയിക്കാന്, ആപ്പിന് ലൊക്കേഷന് അനുമതിയും ആവശ്യമാണ്. ഈ കൈമാറ്റ സംവിധാനം വളരെ സുരക്ഷിതമായിരിക്കുമെന്നും ഉറപ്പാക്കപ്പെട്ടിട്ടുണ്ട്.
ഡാറ്റ പങ്കിടല് പ്രക്രിയയില് ഏര്പ്പെട്ടിരിക്കുന്ന രണ്ട് കക്ഷികളുടെയും ഡാറ്റ സുരക്ഷിതമായി തുടരുന്നുവെന്നും അവയില് കൃത്രിമം കാണിക്കാന് കഴിയില്ലെന്നും ഉറപ്പാക്കാന് പങ്കിട്ട ഫയലുകള് എന്ക്രിപ്റ്റ് ചെയ്യുന്നുവെന്നും ഈ ഫീച്ചര് ഉറപ്പാക്കുന്നു. നിലവില് വാട്സാപ്പിന്റെ ഉപയോക്താക്കള് നിത്യേന നിരവധി തവണ വിവിധ മീഡിയ ഫയലുകളും ഡോക്യുമെന്റുകളും പങ്കിടുന്ന സാഹചര്യത്തില് പുതിയ ഫീച്ചര് ഉപഭോക്താക്കള്ക്ക് സഹായകമാകുമെന്നാണ് പ്രതീക്ഷിക്കപ്പെടുന്നത്.